انقذي انوثتك في الشتاء بحمامات الترطيب بأقل تكلفه مع د/ فارما PHARMACIST
وحشتوووووووووووووني جدا جدا
بقالي كتييير مش بكتب مواضيع
مش عارفه اتحسدت ولا ايه
كل ما اجي اكتب اكتئب ومقدرش اكتب
بس قلت لا لازم اكتبلكم موضوع هتدعولي عليه طول الشتا
لان الشتاء دخل علينا فجأه وهيبدا الجفاف يغدر بأنوثتك ونعومتك بس على مين لازم نستعد 
هنعمل حمامات الترطيب من غير تكلفه عاليه ولا كريمات غاليه بس هنحتاج كريم اي كريم وان كان ولا بد عايزيني اقول انا رايي كريم 21 او جليسوليد او نيفيا واللي بتسموه سلوفان بس هو مش سلوفان خالص ده اسمه CLING FILM 
هنغسل القدمين وننشف بين الاصابع كويس اوي ( علشان نمنع نمو الفطريات ) ونحط الكريم ( كميه اكتر من العادي ) ونلفه ونلبس شراب وننام او اعملي شغل البيت اللي يريحك
وكل يوم او اتنين بعد ما نفكه نعمل سنفره خفيفة بالاداه اللطيفه ده
ولليدين نفس النظام بس هنستخدم الجوانتي ده من الصيدليات
وممكن تعملي حمام الترطيب وانت بتعملي شغل البيت يعني تحطي الكريم وتلبسي الجوانتي الشفاف وفوقه جوانتي المطبخ المطاط
وعيشي حياتك
بدل ما كان شغل البيت بيبهدل ايدك اصبح فرصه لحمام الترطيب وجمال ايدك
وكل يومين تلاته اعملي سنفره لليدين
المكونات:
زيت الزيتون مع نص ليمونه وملح او سكر ناعم
وبعد كل وضوء حطي كريم خفيف ممكن بانثينول لان مالوش ريحة
والسلام عليكم
الرئيسية
.jpg)
