معلومات العضو
المدير العام
معلومات إضافية عدد المساهمات : 10090
نقاط العضو : 28752
نقاط سمعة العضو : 5
تاريخ التسجيل : 08/11/2012
العمر : 104
الموقع : افلام زووم
| ![مُساهمة]( "مُساهمة") موضوع: تجربتنا مع التقشير الكيميائى  الجمعة 16 نوفمبر 2012 - 4:32 |
| تجربتنا مع التقشير الكيميائى
السلام عليكم ورحمه الله وبركاته
دى أول مره اكتب فى قسم العنايه بالبشره فياريت بقه تشجيع يا جماعه عشان اكتبلكم علطول
المهم من غير كلام كتير انا هحكيلكم عن تجربتنا مع التقشير الكيميائى
انا من اسبوعين كده لقيت اختى وماما راحوا عملو تقشير لوشهم اختى كان عندها حب شباب كتير
وماما كانت بشرتها مساميه وعندها حبوب بيضاء كده فى ذقنها وحوالين الانف
طبعا دا كان قبل التقشير, بعده حاجه تانيه خالص قمت ايه بقه رحت عملت معاهم وهم رايحين الجلسه التانيه.
هم المفروض 3 جلسات, انا بشرتى فاتحه خالص وعشان بقالى 3 سنين من ساعه متزوجت مش بخرجكتير
فاوشى الحمد لله حلو ماعدا بقه الحبوب اللى كل شويه تطلعلى فى ذقنى واقعد العب فيها واشيلها وسابت مكان غامق
المهم الدكتوره الاول بتعمل حمام بخار للوش وبتشيل البثور السوداء اللى فى الوش وبتنضف الحبوب بقطنه وفيها
ماده كده بصراحه بتطلع بلاوى سووووووووووووده وبعدين بتعمل التقشير بفرشاه بتحطها فى محلول حمضى وتدهن
بيها الوش حسيت ساعتها بلسعان وبعد مخلصت بتستنى ثوانى وبعدين بتمسح الوش بقطنه فيها ماده تانيه قلويه
برضوا بتلسع بعدين غسلت وشى ونشفته براحه جدا لان ممنوع حك الوش خااااااااالص.
وحتطلى كريمّ, كان وشى فيه بقع حمرا اثار التقشير انا بصراحه خفت لان انا الوحيده اللى احمريت اوى كده .
ماما واختى وبنت خالتى بشرتهم اغمق شويه فمش بتحمر جامد او جايز انا بشرتى حساسه شويه عنهم
المهم اول يوم كان فيه احمرار فى الوش كأنه محروق بعدين خدت كمان 3 ايام وشى بقه بيقشر اليوم
الخامس وشى بقه روعه. بقى افتح وبيلمع كده واثار الحبوب راحت بنسبه كبيره جدا.
اما بالنسبه لماما واختى انهارده راحوا ياخدوا اخر جلسه بس مشفتهمش بقه بس هم بيقولوا تحفه وبنت
خالتى راحت تاخد الجلسه التانيه لانها هتتجوز ان شاء الله فى نص السنه وعجبها النتيجه اوى
انا بفكر ماخدش جلسات تانى لانى وشى كده تمام الحمد لله بس عاوزه اروح للدكتوره دى تعملى
ميزوثيرابى لشعرى عشان خفيف اوى انا سمعت كذا حد بيشكر فيها وبيقولول بتطلع شعر جديد وبيتقل.
فى الاخر انا بصراحه لازم اوجه شكر للدكتوره بجد مرييييييييحه جدا فى الاسعار ارخص 100 مره
من المراكز التانيه وشغلها نضيف وتتحسسك انك اختها بصراحه ولازم اقول انها ريحتنا اوى فى
الفلوس انا مش هقول معلومات عنها عشان معملش اعلان بس اللى عاوز عنوانها او رقمها ممكن
ابعتهولوا على الخاص.
انا طولت عليكم يا جماعه بس انا بصراحه بقالى سنتين لازقه على فتكات بستفيد من موضوعات
الفتوكات فقلت لازم افيدكم انا كمان بتجاربى.
متنسوش التقيم لحسن ازعل 
|
|
|
