اخواتي فتوكات ازيكم يارب تكونو بخير بصو يا حبايبي واحنا قعدين قعدة حلوة زي قعدتكو كدا وبنتحاور قامت اخت وسالت واديناها بعض الردود لكن لاغنى لنا عن ردودكو الجميلة النيرة حتى نفيدها اكتر بتقول زوجها راجل محترم وطيب ولما بتتطلب طلب بيحاول يجيبو لكن بتقول بصو انا هتكلم بصيغة الكلام عن نفسي عشان اققدر اوصلكو اللي بتقولو بسهولة انا من يوم ماتزوجت عمرو ماقالي تعالي نروح السوق اشتري حاجات ليكي او اداني فلوس وقلي روحي اشتري ابدا ابدا والا يخطر ببالو وان خطر يقولها مثلا عاوزين نجيب شنطة جديدة باه وخلاص على كدا ان فكرتو كان بها وان مفكرتوش يبقى خلاص راحت علية وعدت السنين واحتجنا لفلوس فبعت شبكتي بكل رضا وبارادتي وهو كان رافض يقلها لا دا دهبك مخدهوش منك لكن اصرت وباعتو وساعدت هو مابينساش موقفها دا وكل شوية يقلها نفس اجبلك دهب وابسطك لكن مفيش اي خطوة مبادرة للكلام دا يعني مثلا انا لو حوشت كل شهر مثلا 50 ريال كان زماني مثلا جبت حلق لكن لا جاب والا اداني فلوس احوشها واجيب والا اي حاجة كل اللي بيقولو شفتي الدهب غلي ازاي طيب ماهو ريال على ريال هتجمع تمن حاجة حاجة وتجيب لكن هنفضل طول العمر نقول نفسنا والدهب غالي المهم جيت بعد 5 سنوات زواج نفذ صبري وانا بشوف انو مفيش اي تقدم يعني اهلو في مصر ممكن يزنق نفسو ويجيب هدايا وهو نازل دا امر مفروغ منو اختو ولدت اول مولود بعتلها 500 ج مفيش تردد انا مبقلش مايعملش كدا بالعكس انا بشجع لكن وانا مليش من الحب جانب والا عشان انا قدامو باه والعشم واخدو المهم جيت في يوم قلتلو انا عاوزة مصروف والله قالي ماشي بس حسيت انها كبيرة عليه اوي مع انها 100 ريال بس وبعدين لما يعرف ان معايا فلوس هاتي 10 اجيب كرت هاتي اعبي بنزين وخلاص باه اللي يخرج مايرجعش والاسم خدت مصروف ياحسرة مابيمانعش لو عاوزة اجيب حاجة لكن مديني احساس انها ملهاش لازمة او انها مضيعة فلوس عالفاضي مع اني والله في الغالب بجيب بيها الاساسيات لان مابتكونش عندي وان طلبت حاجة بعد المصروف حاطط في بالو مش خدتي مصروف جيبي بيه اققول دا مصروفي انا حرة فيه كلها 100 ريال لكن طلباتي الاساسية انت متكفل بيها توفرهالي لا كلو من ال100 هههههههه وكانها 1000 ريال داااااااااااااااااااايما مديني احساس انو خايف اني اخلص الفلوس او اصرفها او او حتى لما ياخد الراتب بحس انو حاطط ايدو على قلبو لاقلو عاوزة حاجة مع اني مدبرة جدا وبخاف على مصلحتو وبتنازل كتييييييييييير عن حقوقي المادية بس خلاص فاض بيه وانكسر خاطري ونفسيتي بات في الحضيض منو حاسة انو بستخسر فية وليه ان شاء الله هو كان واخدني ببلاش والا حاطط في بالو جوازة باقل التكاليف وكل اللي لية اكل واشرب والسلام انا اتدمرت ريحوني الله يريح قلبكو الموضوع الأصلى من هنا: منتديات عالم المرأة http://www.movieszoom.net/f59-montadat300094.html#post3870345
الرئيسية
