السلام عليكم
انا لي 4 شهور مخطوبه وكل الشهور دي فيها زعل وعصبيه و و بيننا فرق في العمر والتعليم كثير لكن الحياه تعلم برضو رغم دا كله اعصابي تعبت من دا الرجل مو لاقيه له حل كل مرة في كلمه متذبذب جداا مرة يقلي تسكني معاي في نفس القريه الي بتشغل فيها او المدينه الي جنبها ومرة يقلي لا تسكني هنا عشين عندي بيت ملك هنا ودراستك بس انا دراستي تنتهي بعد سنه ومو مشكله ليها حلول احولها او ااجلها لاني ماجستير ,, وتحديد الفرح برضو اهله يبو قاعه حلوة وحجزوها وطول الوقت في عصبيه وزعيق منه عشين مبلغها كبير شوي بس انا ابوي قال النص بالنص يعني 25 هو حيدفع فقط وبعد ماتم الحجز والاتفاق و و فجاه راح لغى المحل والموعد بدون ترجيع للعربون حتى ومرات يقلي لا تسيبني محتاجك وغيريني و و ومرات يقلي انا ماصلح لك انتي ليش تبيني الله يوفقك في مشوارك!!! وبعدها يعتذر انسان طفشني في جنانه وتفكيره الي مهو مرتب لكن رغم كل دا صبرت لانو اهله قمه في الطيبه وواقفين معاي حتى هو كريم لما بطلب شي يلبيه بس مو عارفه ايش التخبيط في افكاره وعنده عزه نفس شديده مايبا احد يساعده حتى لو اهله بس دائما شكاي ومتشائم وكل ماجبله حل يجيبلي الف مشكله دحين قلتله على استراحه بسيطه يحجزها بس كل شوي يقلي لو مافي حجز لو مافي حجز قلتله ليش التشائم الله موجود ورزقنا مكتوب انت تبا او لا اذا تبا لا تقول كل شوي في مشكله لاقي حل وخليك رجال ,, ودحين كمان قلت حشرط عليه اسكن معاه لانو التعامل معاه مرة صعب في التلفون فقلي اي شرط تبيه جاهز ولو تبي مؤخر وو و لكن تاني يوم قلي مابا ولا اي شرط وعصب علي قلتله من حقي
فمني عارفه اكمل معاه او لا؟ هل هذا بيهينني؟ لاني داخل معمعه مو عارفه ايش بيصير وضحولي افعاله رجاءا