بسم الله الرحمن الرحيم اولاً اتمنى من الله ثم منكم ان تجيبوني بكل صدق واخلاص في موضوعي وتعطوني الحلول ولكم جزيل الشكر. موضوعي اني احب فتاة جميلة انيقة متعلمة وفاهمه وحبوبه . نحب بعض لنا مايقارب السنتين وسوف نتزوج قريباً بإذن الله والان لها قرابة الاسبوعين ماتكلمني وتقابلنا امس على المسنجر وطلبت منها تصارحني بسبب غيابها وايش الموضوع بالتفصيل . قالت لي احنا كذا مرتاحين وانت اكيد ارتحت مني !! استغربت ليش كذا قالت ياحمود انا احبك واموت فيك وما ابي اخسرك قلت ونا كذلك وش فيه ؟؟ قالت لي انت دايم تقول لي يالفاغرة او انتي ناقصة عقل او ضلع اعوج او الله يشافيك او يأم ركب سود دايم تسبني كذا ومدري ايش ضحكت انا قالت والله اتكلم جد انا واحسها تبكي . قلت لها يابنت الناس انا امزح معاك ودايم اقول كذا لاي بنت حتى اختي حتى بنات اختي واخوي امزح معاها كذا اقول البنات ناقصات عقل او ضلع اعوج وهذي احاديث عن الرسول صلى الله عليه وسلم قالت ما احب اسمع الكلام هذا وابيك تغير اسلوبك معاي هذا ماعد تناديني يالفاغرة او اي كلمة ثانية وزي كذا. وانا افرق عن اخواتك وبنات اخوك واختك فأنا وهي تعرفني دايم احب امزح وافرفش واطقطق وزي كذا وقلت لها اذا انتي زعلتي اللحين فكيف بيكون حالنا اذا سرنا في بيت واحد وافكر في الموضوع هذا دايم !!! فما رئيكم فيها تبي اغير اسلوب مزحي وفرفشتي وطبعي ؟؟؟ وماذا تتوقعون يدور في راسها ؟؟؟ وهل كلمة يالفاغرة او ناقصة عقل او انتي ضلع اعوج او يأم ركب سود او غيرها تزعل البنات وتعتبر سب ؟؟؟ انا أحبها والله واموت فيها واحب امزح معاها واتونس معاها واضحكها وكنت اقول لها يأم ركب سود وترد تقول لي يابو سروال وفانيله وكلها مزح وضحك بس الان مدري وش فيها وللمعلومية تراها تموت فيني واتوقع لو سار لي راح تموووت نفسها لاني واثق من حبها لي وهي واثقة من حبي لها فما ادري ايش اللي يدور براسها واغلب احيان احسها غريبة فأرجوكم ان تفيدوني في موضوعي لاني والله خايف عليها ولكم جزيل الشكر احبابي
الرئيسية
