زهقانة؟؟ حسة انك مخنوقة؟؟ ...مش حسة بطعم للحياة طيب تعالي بينا نطلع رحلة تحبي تطلعي رحلة فين ايه اجمل مكان شفتيه في حياتك و نفسك تروحيه
طيب تعالي نحلم سوا.. و اي حلم؟! ده احلى حلم في حياة كل واحد فينا.. هخدك معايا مكان مختلف تماما.. مكان كل الناس سعيدة فيه.. الكل فرحان و مبسوط و مرتاح البال.. مكان كله حب في حب..
الحب الحـقـيـقـي بـجـد
هاخدك و نروح الجــــنــــة..
و مهما حلمنا و حاولنا نتخيل الجنة، مش هنقدر! عارفة ليه؟ لان فيها ما لا عين رأت و لا أذن سمعت و لا خطر على قلب بشر!!
تعالي نشوف حبيبنا النبي و هو بيوصفلنا بعض نعيم الجنة؛ علشان نشتاق ليها بقلوبنا و نجتهد علشان نفوز بيها...
قال رسول الله صلى الله عليه وسلم: " يقول الله عز و جل: اعددت لعبادي الصالحين ما لا عين رأت و لا أذن سمعت و لا خطر على قلب بشر، ثم تلا النبي صلى الله عليه و سلم قول الله عز و جل: 'فَلا تَعْلَمُ نَفْسٌ مَا أُخْفِيَ لَهُمْ مِنْ قُرَّةِ أَعْيُنٍ جَزَاءً بِمَا كَانُوا يَعْمَلُونَ '. [السجدة: 17]."
رواه البخاري و مسلم.
فـــي الجــــنــــة
ما لا عين رأت.. حاجة مفيش حد قبل كده شافها و لا حتى في الخيال!
ما لا أذن سمعت.. أصوات جميلة عمرك ما سمعتيها و لا حد سمعها قبل كده..
و لا خطر على قلب بشر.. يعني مفيش حد يقدر يتخيل..!
اصل ربنا هو اللي أعدها.. تخيلي بقى دي تبقى عاملة ازاي؟؟
النبي صلى الله عليه وسلم و الصحابة حطوا الجنة قدام عنيهم؛ علشان كده قدروا يصبروا و يستحملوا أي مشكلة أو اي ابتلاء في الدنيا..
مين فينا اللي هيصبر زيهم علشان يفوز بيها؟؟
منقول من كتاب ( للبنات وبس ) للكاتب دكتور مصطفى ابراهيم
الرئيسية
