ازيكم يا فتوكات يا حلوين كل سنة وانتو طيبين أنا مشتركة في النتدى ده من فترة لكن دي اول مرة هقدم فيها وصفة وياريت تعجبكم ومستنية ردودكم علشان تشجعوني واحب اقولكم ان الوصفة دي بتخلي البشرة ناعمة ملساء فاتحو وموحدة اللون للامانة انا استخدمتها مدة صغيرة بس الكل لاحظ ان بشرتي بقت فاتحة لدرجة ان صحابي في الكلية معرفونيش ومن غير ما اطول عليكم نبدأ بقى الوصفة بتتكون من: *عصير برتقالة كبيرة *عصير ليمونة صغيرة *معلقتين خل تفاح *معلقتين ماء ورد *معلقتين زيت زيتون *جلسرين سايل نيجي بقى للطريقة: اولا ً تعصري البرتقالة والليمونة وتصفيهم وبعدين تحطي باقي المكونات وتخلطيهم كويس وبعدين تحطي من الخليط على بشرتك قبل ما تنامي وممكن كمان تضيفي للخلطة زيت جنين القمح لانه بيخلي البشرة منورة يلا جربوا وقولولي رأيكم
الرئيسية
