السلام عليكم ورحمة الله وبركاته طبعآ كلنا بنعاني من مشاكل في اليد والقدم فسألت دكتور وقالي ان الناس دلوقت عايزه تفتح ايدها ورجليها بأي طريقه فبيستخدموا كريم تفتيح وميعرفوش ان التفتيح ده ظاهري ومؤقت لإنهم ما استخدموش نظام معين
وهو لازم اولآ تقومي بإزاله الجلد الميت عن طريق وضع القدم في إناء به ماء ساخنه وملح خشن ثم فرك القدمين بالحجر الخفاف
ونقع اليد في ماء ونسبة عصير ليمون وملح ثم فركها بالليفه
والخطوه الثانيه هي وضع كريم يخدد خلايا الجلد في الأماكن دي وقال يتم خلط كريم كارباميد مع كريم هاي بانتين
والإثنين دول بإحدي عشر جنيها
والأستمرار عليهم حتي يحدث الفرق وهو طبعآ بيبان بعد ان تخلصي نصف الأنبوبتين
الخطوه الثالثه هي وضع كريم مرطب علي ايدك ورجلك بإستمرار وعن تجربه شخصيه لوشن جونسون بادي ميلك كويس لكده اولآ لانه بيتشربه الجلد علي طول وثانيآ لانه رخيص ونقدر نستخدمه بإستمرار فهو بإثني عشر جنيهأ
الخطوه الرابعه هي عمل صنفره لليد والقدم ب صنفره جاهزه او زيت زيتون ولمون وسكر ودي بتكون مره في الإسبوع
الخطوه الخامسه هي عمل كريم ليلي لليد والقدم واستخدامه في اي وقت وخاصة وقت النوم وده طبعآ مجهودي الشخصي
وعن تجربه وهو
ثلاثه ملاعق فازلين مستورد
ملعقتين جلسرين سائل
ملعقه ونصف عصير ليمون
نصف ملعقة زيت زيتون
ربع ملعقة اي زيت عطري مثل الافندر والمسك والصندل
هنسيح الفازلين علي حمام مائي ثم نضع الجلسرين والليمون وزيت الزيتون والزيت العطري وندخل زجاجه الكريم في الثلاجه اربع وعشرين ساعه ويستخدم
ليا عندكوا رجاء لو اي حاجه من وصفاتي منفعتش مع حد ميدعيش عليا لإني والله نيتي الخير