النهارده بقي هنتكلم عن موضوع مهم اوووي : العنايه بالجسم كللللللللللللله وهنبتدي من تحت لفوق يعني من رجلينا لحد وشنا وشعرنا .. تمام كده ؟؟؟
نبدأ بسم الله الرحمن الرحيم الجزء الاولاني اللي هيتكلم عن العنايه بالقدمين
سواء كنتي بتنزلي كل يوم ( شغل -جامعه - الخ .. ) او حتي اعده في البيت لازم تهتمي برجليكي كويس اوي
طيب كل واحده تبص علي رجلها كده ايه رأيك فيها ؟؟ هههههههههههههههههههه
للأسف كتير مننا بيهتم ببشرته وشعره وينسي القدمين مع انها هي اللي شقيانه يا عيني
المهم نبتدي بقي :
اولا يا ستي هاتي اي حاجه غويطه وامليها مايه دافيه مايله للسخونه وحطي عليها شاور جل تكوني بتحبيه وخليه يعمل رغوه حلوه بقي كده .. ولو عندك زيت جونسون مثلا بتاع الاطفال حطي منه شويه برده مايضرش .... حطي بقي رجلك فيه وريحي نفسك وسيبي نفسك خاااااااالص
هتفضلي كده لحد ما تلاقي رجلك هديت وبدأت تبوش كده
طلعيها بقي ونشفيها علي خفيف كده عشان احنا عايزنها طريه هتقوليلي ليه ؟ هقولك عشان هتجيبي القصافه و تقصي ضوافرك بس بالراحه عشان ماتوجعكيش بعد كده .. وشيلي الزيادات اللي حوالين الضوافر ( يعني اعملي باديكير لنفسك )
خلصتي ؟؟؟ هاتي بقي منديل مبلول وامسحي صوابع رجلك وما بينهم كده
بعد كده هتجيبي كريم جليسوليد الاحمر (يفضل ) او كريم مرطب انتي بتحبيه وهتجيبي ( زبده كاكاو ) هتقوليلي لييييييه ؟؟؟ هقولك اسمعي كلامي بس .. بعد ما اتأكدتي ان رجلك نشفت حطي من الكريم علي رجلك من الضهر وعلي كعبك وصوابعك من ورا وبعد ما يتشرب هاتي زبده الكاكاو ويا سلام بقي لو بالفراوله عشان تديكي لون ادهني بيها رجلك برده من تحت .. هترطب وهتدي ريحه جمييييله .. انا بعمل كده دايما وبعدين بأيدك كده امزجي الزبده كويس لحد ما تتشرب برده
وبعد كده هاتي شراب والبسيه لمده ساعه ( ماتناميش بيه ) وشيلي الشراب وهاتي قطنه فيها مايه ورد وامسحي بيها علي رجلك بس من فوق بقي ( صوابعك من فوق وما بينها وكده ) وياريت لو في شعر علي الصوابع تشيليه عشان زياده النضافه برده
دي كده عنايه بالقدمين حلوه اوووي
طب واحده هتيجي تقولي مفيش وقت اعمل كل ده كل يوم وانا برجع من تحت تعبانه بس في نفس الوقت رجلي بايظه سواء بقي من الريحه والكتمه او من التراب وكده هقولك ممكن تعملي الجزء بتاع الجليسوليد والزبده بس وتلبسي الشراب بس ده مايمنعش ان تعملي الباقي بقي كل اسبوع حتي
ملحوظه : حاولي يكون الكلام ده بعد صلاه العشا عشان لو اتوضيتي كل ده هيرووووح يعني لما تيجي من تحت امسحيها بالمايه كده وخلاص لحد بعد الصلاه .. تمام كده ؟؟
ملحوظه تانيه : لو عايزه حاجه للتفتيح .. هاتي مايه وعليها شويه خميره وشويه باكنج بودر وحطيهم علي رجلك من فوق وسيبيها ربع ساعه واغسليها وحطي عليها اي كريم مرطب لو حسيتي بحرقان وهتلاقي نتيجه هايله وعن تجررربه بس دي كل اسبوع مره
انا كده خلصت وماتنسوش التقييم بقي واستنوني في الاجزاء القادمه ان شاء الله
الرئيسية
ايه رأيك فيها ؟؟ هههههههههههههههههههه 
يعني لما تيجي من تحت امسحيها بالمايه كده وخلاص لحد بعد الصلاه .. تمام كده ؟؟ 
