ازيكم يافتوكات ياااااااارب تكونوا بخير وكل سنة وانتوا طيبين النهاردة جاية اكلمكم عن مجموعة اولاي للتفتيح olay natural white اولا اكلمكو عن نوع بشرتي مركبة حساسة .... combination sensitive skin
المجموعة كلها مكتوب عليها (اكتشفي اولاي لتفتيح البشرة الطبيعي الحل المثالي لبشرة فاتحة ومتألقة بشكل طبيعي وصحي) (اولاي التفتيح الصحي 14 يوما فقط للحصول علي بشرة صحية متألقة) طبعا كلنا عارفين ان منتجات تفتيح البشرة من الممكن انها تشكل خطورة علي البشرة ...عشان كده ضروري جداااااا قبل مانستخدم اي منتج تفتيح نعرف المكونات كويس جداااااااااااا وبناءا علي ماسبق قمت بابحاثي و سيرشاتي عشان اعرف مكونات المجموعة ده لقيت اغلبها مكونات طبيعية ...وهي: • OLAY “Triple efficacy whitening” formula • Vitamin E فيتامين ه • Milky Whitening Essence خلاصة الالبان • X2 Mulberry leaf extract كمية مضاعفة من خلاصة ورق التوت البري • OLAY moisturizing factor..معاامل اولاي للترطيب ..فعملت كده وقلت علي بركة الله ....انا بشرتي فاتحة...بس هي مش متوحدة اللون ...وفيها اثر لبقع ,,وحبوب والمجموعة ده المفروض بتساعد علي التقليل من البقع الداكنة
وده صورة المجموعة
وهي عبارة عن :
1-لوشن النهار لتفتيح البشرة الصحيolay healthy fairness day lotion 2-كريم الليل لتفتيح البشرة الصحي olay healthy fairness night cream 3-كريم الوقاية من الاشعة فوق البنفسجية لتفتيح البشرة الصحيOlay Natural White UV Blocker SPF 30 4-صابونة اولاي بخلاصة ورق التوت البري لتفتيح البشرة Olay anti wrinkle-anti acne&whitening Soap
قبل مانبتدي نتكلم عن كل منتج لوحده ...انا اشتريت المجموعة من اكتر من شهر ونصف وواظبت علي استخدامها تماما
اولا:لوشن النهار لتفتيح البشرة الصحيolay healthy fairness day lotion
اللي عاليمين ده الشكل الجديد والتاني ده الشكل القديم
السعر :بحوالي 22 جنيه مصري تجربتي معاه :كنت بقوم اغسل وشي بالصابونة ...(اللي هاتكلم عنها بعدين )وبعدين ادهن اللوشن علي وشي كله المميزات :سهل التوزيع _سريع الامتصاص_في معامل حماية 24 من الشمس العيوب :ترطيب غير كافي ...بعده بحس بشرتي بهتانه ...ومافيهاش حيوية _كنت ساعات بنسي حطيت ولا لأ وابص في المراية ماحسش بأي فرق طبعا فرق بينه وبين القديم ...القديم افضل بمرااحل هاشتريه تاني :لا ثانيا:كريم الليل لتفتيح البشرة الصحي olay healthy fairness night cream
السعر :بحوالي 22 جنيه مصري تجربتي معاه:كنت بعد مابنضف وشي بليل بحط نقط صغيرة علي وشي ورقبتي المميزات :سهل التوزيع _سريع الامتصاص مع انو اتقل نسبيا من لوشن النهار_بس ده الطبيعي لكريم الليل العيوب :بقوم الصبح كأني محطتش اي حاجه ...ولا حتي الترطيب العادي بتاع اولاي ...ماحستش بشرتي فرقت اطلاقا هاشتريه تاني :لا ثالثا:كريم الوقاية من الاشعة فوق البنفسجية لتفتيح البشرة الصحيOlay Natural White UV Blocker SPF 30
السعر :بحوالي 22 جنيه مصري تجربتي معاه :قبل ماانزل كنت بحط نقط صغيرة منه واقوم بتوزيعها المميزات :سهل التوزيع والامتصاص وبيحافظ علي البشرة من الشمس _ويعتبر واقي من الشمس بسعر رخيص هاشتريه تاني :مافتكرش لان معامل الحماية 30 وانا عاوزه حاجه معامل الحماية بتاعها 50 علي الاقل عشان الشمس في مصر حارقة جدااااااا رابعا:صابونة اولاي بخلاصة ورق التوت البري لتفتيح البشرة Olay anti wrinkle-anti acne&whitening Soap
السعر:15 جنيه ...جبتها من وسط البلد تجربتي معاها:الاول اتخميت ..وصدقت انها اصلية عشان العلبة الحديد والحركات لكن لما رجعت وفتحتها واستخدمتها لقيتها مالهاش ملامح الصابونة سيئه جداااااااا ...مش مكتوب عليها اي مكونات ...ريحة شبة صابون الغسيل واضح جداااااا انها مضروبة ...متستاهلش 50 قرش وعملت سيرش ولقيت ده شكل صابون اولاي الاصلي...ماعدا كده كل اللي في مصر مضروب
الخلاصة :بشرتي بعد استخدام شهر بانتظام ..اتحولت لبشرة باهته ..dull pale skinو كان عندنا عزومة وقرايبي قالولي صحتك تعبانة وبشرتك مافيهاش نضارة وبهتانة مع اني كنت حاطة make up فمابالكم من غيره المفروض يسمو المجموعة olay natural yellow لانها حسستني ان بشرتي غريبة ومافيهاش اي حيوية ومصفرة ..غير انها طلعتلي حبوب صغيرة ..وبقيت بدل مانا جايباها عشان أثر الحبوب القديمة .. بأيت عاوزه ادور علي مجموعة لاثر الحبوب القديمة والجديدة الحقيقة ان اولاي القديم افضل بكتيييييييييييير وده اللي خلاني ارجع لمجموعة غارنييه اللي عملت عنها review هتلاقوه في الموضوع ده http://www.movieszoom.net/f32-montadathread3521565 ياريت لو حد ليه رأي تاني يقول ...عشان كلنا نستفيد اكتر سلام يافتوكاتي ...مع ريفيو تاني ...عن مجموعة تانية ان شاء الله ياريت تكتبوا التقييم اللي انتوا شايفينو وتقولولي رأيكم ملحوظه:انا كنت بعت للشركة عالفيس وقالولي ان اولاي دلوقتي لها منافذ وتوكيل في مصر يعني اي ستاند هتلاقوه في اي هايبر كبير ده المنتجات الاصلية ..وده هتلاقوة في كارفور وspinneysوماركاتو ...وفعلا لما جالي ده ورحت شفت اللي في سيتي ستارز لقيتهم واحد بالظبط ملحوظة: المجموعة كلهاMadeInThaliand ماعدا الصابونة طبعا اكيد صنع في العتبة luv u all ::::
اشتريت مجموعة اولاي للتفتيح وجيت اقولكم عالنتيجة (لوشن النهار_كريم الليل _الصن بلوك..
الرئيسية
ياااااااارب تكونوا بخير وكل سنة وانتوا طيبين 
عشان اعرف مكونات المجموعة ده 
