طريقة لعمل تاتو للحواجب - طريقة تاتو الحواجب بالمنزل
قبل
بعد
الطريقة:
هنجيب صبغة بايجون الي هي بتاعت الشعر عادي بس نجيب لون بني وهو هيديكي بني مسود لكن الاسود بيكون وحش اوووي
هتلاقي مع الصبغه علبه زي الي في الصوره هتحطي منها شوية بودره والبودره لونها ابيض بس لما تتعجن بتسود
نعجنها ازاي بقى؟: هنحط شويه بودرة في العلبه وبصوابعنا ننقط نقط ميه عليها نقطه بنقطة ونقلب لحد ما تبقى لا هي متماسكه ولا هي سايله تكون كده زي الكريم التقيل ونبدء نرسم على الحاجب الرسمه الي تعجبك ممكن تطلعيها فوق عن حاجبك بس بلاش التغير اوي في شكل الحاجب برضه عشان الحرمانيه+ان التشقير هيبقى كتير لو لغيتي جزء كبير من حاجبك
انا كده صبغت الحاجب كله ملحوظه خلي معاكي سلاكة الاذن الي قطن دي
التشقير بقى: نحط مثلا ملعقة ميش او بودرة تفتيح+2 ملعقة اكسجين قابله للنقص او الزياده بمعنى برضه هتحطي شويه بشويه لحد ما يكون ذو قوام زي الصورة ولازم الاكسجين يبقى 20% او 6vol
بمحازاة الحاجب نحط التشقير وانا استخدمت الخله بتاعت الشيش طاووق وممكن تستخدمي اي حاجه رفيعه
انا كمان بعمل الجبهه لان التشقير بيحددها وبتبقى حلوة اوي
نسيبه لحد ما ينشف خاااااااالص عشان اللون يكون فاتح يعني ما يكونش مصفر وشكله مشوه
نيجي للغسيل وده قصه لوحده
عشان نغسل والتشقير ما يبوظش لازم وشك تحت الحنفيه والميه نازله كتير وبايدك وتدعكي بسرعه بسرعه +شامبو او صابونه تغسلي كذا مره لحد ما تتخلصي من الصبغه خالص وعشان تتاكده ان الصبغه راحت كلها امسحي حاجبك بمنديل لو طلع لون مخضر بسيط يبقى لازم تغسلي تاني
طيب ايه الي هيحصل لو غسلتي بشويش على مهلك؟
التشقير هيسود من الصبغه وهتضطري ترجعي تحطي عليه تاني
الرئيسية
