السلام عليكم أخواتي العزيزات أنا عضوة جديدة وبصراحة مررررة عجبني المنتدى وخصوصا عالم الاطفال لأني أم لطفلة وقريبا جاي بيبي جديد انا بس عندي كم سِال أتمنى من الامهات الخبيرات يعطوني الحل انا بنتي عمرها دحين سنة بس هيه من يوم ماتولدت وهيه بكاية ومااااااااااااااااااااااااااااااتناااااااااااااااا ااااااام صراحة اذا نامت نص ساعة متواصلة على السرير فهدا انجاز مااعرف ايش السبب ومرررررة تعبت معاها لأنها ماكانت تنام وانا ماانام وبالتالي جاني اكتئاب وكل مااوديها لكتور يقول عادي في اطفال مايناموا كتير بس مو معقول بكا على طول ما عمرها نامت على الاقل لمدة ساعة متواصلة
((ليصلك كل جديدأرسل الرقم 1 الى - 81428 للإتصالاتالسعودية - 601428 لموبايلي - 701428 زين)) هل السبب في انها اتعودت مثلا على الشيل والهز لاني لاحظت انها ماتنام الا وهيه على حضني ولما احطها على السرير تصحى وفي حاجة غريبة حتى لونامت على السرير اذا انا نمت او حاولت اغمض عيني سبحان الله تحس وتصحى على طول وتبكي كأنها تبغاني احرسها وهيه نايمة هل هدا طبيعي او في ناس قالولي أقرأي عليها او وديها عند شيخ لانه هدا مو طبيعي والشي التاني لحد الان بنتي تنام جنبي على السرير ودحين عمرها ستة أبغى اعودها تنام في سريرها هل كل ما تقوم وتبكي أخصرها واطنشها لحد ماتسكت وترجع تنام لوحدها؟ لأنها لحد دحين برضوا ماتنام نوم متواصل لازم تصحى كل شوية أحيانا بعد ساعة او ساعتين وما تسكت الا اذا أعطيتها رضاعتها احيانا يكون فيها حليب او بابونج والشي الثالث انا حيجيني بيبي جديد بعد شهر ان شاءالله كيف أخليه او اعوده على النوم لأني خايفة يتعبني زي ما تعبتني بنتي هل صحيح اذا الاطفال يبكوا نسيبهم في سريرهم ومانعودهم على الشيل والهز ؟؟؟؟؟ معليش اسئلتي كتيرة بس خايفة وابغى احد يطمني وشكرا................
الرئيسية
