طبق بسيط وسهل جدا شهى ولذيذ لمحبى الاكل الاسبايسى وهنغير من المعتاد فى الفراخ
الفراخ الاسبايسى( تشيكن سبايسى )

المكونات:-

نصف كيلو اوراك فراخ او صدور بدون جلد او عظم مقطعع مكعبات
1 كوب كبير عصير طماطم
1 بصله مقطعه مكعبات
3 فلفل الوان مقطع مكعبات
2 معلقه كاتشب
1 معلقه صلصه بوريه
نصف زجاجه هوت صوص
1 معلقه شطه بودره
1 معلقه صغيره بابريكا بودره
ملح وفلفل اسود
1 معلقه ثوم مفروم
1 فلفل حامى مفروم
زيت
نصف كوب مايه
الطريقه:-

فى حله على النار هنحط الزيت وهنسيبه يسخن كويس بعد كده هضيف الفراخ مع التقليب كويس اوى لحد متبتدى تتشوح
هنحط الثوم والفلفل الحامى مع التقليب بعد كده هنضيف البصل المكعبات مع التقليب وبعد كده هنضيف الكاتشب والصلصه البوريه والهوت صوص وعصير الطماطم والمايه ونسيب الفراخ لحد ماتستوى وبعد كده بنضيف الفلفل الالوان ونتبل بالبابريكا والفلفل الاسود والملح والشطه البودره وممكن نقدم جنبها ارز ابيض وسلطه زبادى او ثوميه وخضار سوتيه زى مبتحبوا
وبالهنا والشفا