النهاردة يا فتوكات

لان الاسئلة كثرت اووووووووى عن الاهتمام بالشعر وادواته فحبيت اعمل الموضوع ده وانقل لكم تجربتى الشخصية فى جهاز بخار الشعر

يلا يا فتوكة منك لها تعالوا باركولى

اشتريت جهاز البخار من شهرين وجربته اكثر من مرة كمان وحبيت انقل تجربتى عشان اقدر افيدكم بيها زى ما استفدت منك كثير وربنا وحده العالم

انا عملت موضوع سابقا عن تساقط الشعر والحمد لله الموضوع كسر الدنيا وقلت فى الموضوع ده ان احنا لازم نعمل حمام زيت مرة اسبوعيا على الاقل عشان نقوى بصيلات شعرنا

وطلبت من الفتوكات يستعملوا البونيه الحرارى بدل شغلانة الفوطة السخنة و انها تنزل ميا على جسمنا وشغلانة كده او تفضلى متذنبة بالسشوار فوق دماغك ودراعك يقف من التعب

والفتوكات كلهم اتحمسوا وانا بصراحة واحدة منهم

وقعدت الف على كعوب رجليا لحد ما دابوا

ااااااااااااااااااااااه يا خلخلة ركبيا ودوب كلاوياااااااااا

على راى سوكينة فى مسرحية ريا وسكينة

وكأن البونيه الحرارى ده فص ملح وداب
والناس تبصلى باستغراب كأنى جاية من كوكب تانى فيه الانسان لسة انسان عايش من تاااااااااااااااااااانى

خلاص يا عم مدحت صالح

خلينا فى وكستنا

ملقتش حد عنده حتى علبته فاضية والناس تستغرب وتقولى بونيه ايه يا مودااااااااااااااام ؟؟؟؟؟؟؟؟؟؟؟

كان منظرى وحش ويئست خالص وبعدين قلت لالالالالالالالالالالالالالا

انا نونيا والاجر على الله

ابعتى يا بت جوزك القاهرة ( طبعا مش مخصوص ) وهو فى شغل هناك يستأذن ويروح يجبلى الخبر اليقين من سمير ويليام فى مصر الجديدة

وقد كان

الراجل يا يعنى يوميا يستأذن من شغله لما كان هينفصل خلاص ويرقع مشوار محترم لانه تقريبا بيشتغل فى شرق القاهرة وسمير ويليام فى غربها ويروح الراجل يقوله :

فوووووووووووت علينا بكرة

وهكذا كل يوم . فوت بكرة . يجى بكرة . فوت بعده . يجى بعده . فوت --------

طهقتكم فى عيشتكم
ليكم حق اذا كان جوزى نفسه طهق و اتصل بيا
وقالى :

لو عايزة لبن العصفور هاجيبلك بس البونيه ده لالالالالالالالالالالالالالالا

المهم اختكم حزينة ودمتعها منشفتش على خدها .

الموضوع شعشع فى دماغى وراسى والف جزمة لازم اشتريه

قعدت الف تانى بمخمخة فى اسكندرية لعل وعسى
لحد ما واحد قالى :
ايوة انا اعرفه .............................. الصدمة بقى : معدش بينزل منه تانى

كان هيغمى عليا وبعدين قالى : بس انا عندى بديل

الحقنى بيه ابوووووووووووووووووس ايديك

قالى : الة بخار العروسة .

انا : طيب فرجنا يا عموووووووووو

راح جابلى علبة كرتون متوسطة فيها الجهاز ده
من غير تفكير

بكام ؟؟؟؟؟؟؟؟؟؟؟

هو : 300 جنيه بس

ودفعتهم زى الشطورة وشيلته وانا حاضناه وماشية فى الشارع بغنى :

اسبقنى يا قلبى اسبقنى على الجنة الحلوة اسبقنى

الجهاز يا جماعة جميل وهاكتبلكم كل حاجة عنه بس معلش ماما فاجاتنى انها خارجة دلوقتى

هاكملكم طبعااااااااااا بكل التفاصيل لما ارجع بس ادعوا يكون النت مش قاطع

مشاركه هامه
# 12