طبعا كلنا عارفين ان البيبي ليس الحمرا فعلا احسن نوع غالبا وكل اللي بيجربها بيقول شعر فيها...لحد ما قررت اخوض التجربه بنفسي وأدور وابحث عن معنى التقليد والاصلي..وبعد بحث طويييل اكتشفت فيه نوعين فعلا اصلي مش نوع واحد زى ما الناس متخيله....فى نوع اسمه pro230 steam (بخار) وده اللى معروفه فى بي تك وده صورتها
ومواصفت الاصلي منها....... سيراميك بيج......درجه حرارة 230 وعلبتها زى ما فى الصورة وشنطتها فضى مش حمرا تمااام
والتقليد منها لون السيراميك اسود ونفس العلبه برده ...ومعاها شنطه حمرا....ودرجه حرارتها 400 و450 ...ده بتبقى كوبي لكن وحشه فى تقليد حلو على فكرة بس برده بتبقى نفس مواصفات الاصلي برده......لكن لو المواصفات اللى فاتت ده بتبقى تقليد سئ بتبوظ بسرعه
نيجي بقى للنوع التانى اللى الناس فاكرة انه تقليد لكن هو اصلي موديل اقدم من اللى فاتت وهى Pro 230 Radiance (اشعاع)
وده صورة الاصلي منها
وده فعلا نفس الصورة معاها شنطه حمرا وكليبسات...لكن الفضى مع الموديل الاول وده سيراميكها بيج او اسود وحرارتها 230......شنطتها حمرا...سيراميكها بيج او اسود ومنها تقليد حلو لكن الحقيقه شفت صورة بس
وبالنسبه لخزان الميه مهم جدا نملاه قبل ما نحط الفيشه وننشفف الخزان كويس اوى اوى قبل ما نركبه مكانه......ونشغلها ونستنى دقيقتين لحد ما تسخن ونشتغل ده خلاصه تجربتى كامله وعندى استعداد لاى سؤال مهما كان انا لفيت لفه محترمه وطويله لحد ما عرفت كل حاجه وقلت لازم تستفيدو انتو كمان لان بلاقي ناس كانت زيي محتاره جدا..واى سؤال انا معاكو
توضيح مهم جدا للبيبي ليس الحمرا الاصلي نوعين مش نوع واحد
الرئيسية
