موضوعي اليوم مختلف شوية انا مش هأتكلم عن babyliss و هل هي كويسة والا لأ ؟ لان البنات هنا بصراحة ما قصروا و شرحوا مميزاتها في مواضيع اكتر من رائعة و كانت السبب الاساسي اني اشتريت مكوتي -وطبعا هي فوق الممتازة-
أنا هأتكلم عن الطريقة الصحيحة لاستخدام babyliss و ازاي تحافظي عليها و تفضل عندك جديدة ديما ؟؟؟ اول حاجة تغسلي شعركي كويس جدا بالشامبو و مش بتستخدم بلسم لو هأكويه بالفوطة القطن تلفي شعرك لحد ما ينشف (أو علي الأقل يبقي مندي) ممكن تستغني عن الخطوة ديه لو عندك استشوار اهي مكوتي اول ما اشتريتها من اربع سنين و كان عليها الهدية ديه
صورة الهدية و اللي مالهاش اي لازمة هي المفروض بتعمل different forms بس حقيقي وحشة و مش استخدمتها الا مرة واحدة من ساعة ما اشريت المكواة
قبل المكواة أكيد هنستخدم كريم الكوي زي كريم بالمرز أو سيرم مثل الفيف أو حسب ما تحبي ( عن تجربة كريم بالمرزز رااااااااااااااائع أحسن من سيرم الفيف –مع انه ارخص منه بس حبيته أكتر-)
نشغل مكوتنا الجميلة و ظبطي الحرارة حسب نوع شعرك (عمري ما شغلتها علي درجة 230 مع انها عندي بقالها 4 سنين )لانك ببساطة كده بتدمري شعرك و already مش هتحتاجي للدرجة العالية ديه
اتأكدي ان خزان الماء الخاص بالبخار مليان شيلي الخزان امليه مية بالحقنة
و رجعيه تاني مكانه شغلي المكوة
في العادي – و ده طبعا حسب نوع شعرك – بأشغلها علي درجة 185
هتقسمي شعرك حسب كثافته و تبدأي تكوي و عيشي براحتك ابدأي من الخلف لقدام و بلاش تشدي شعرك قوي و انتي بتكويه عشان انتي كده بتخلعيه مش بتكويه و اوعي تقوللي عشان الشعرة تبقي مفرودة كده مش هتبقي موجودة اصلا انا باعيد علي الشعرة max. تلات مرات بالنسبة للمشط الموجود انا مش باستخدمه الا نادرا و لو استخدمه بيكون علي الدرجة المتوسطة بس مفيد جدا للشعر الخشن
فيه بقي ميزة تحفة في المكواة ديها و كتير مش بياخد باله منها و هي ان صفايح المكواة واحدة مسطحة (اللي مكان المشط ) وواحدة مقوسة طيب ده فايدته ايه ؟ انه بيعمل تمويج للشعر اكنه ناعم طبيعي و الشعرة ماتبقاش مشدودة وواقفة natural look طيب كويت شعرك خالص سيبها علي حاملها لحد ماتبرد
ازاي نحافظ علي المكواة نجي بقي لأهم مرحلة و اللي الكل مش بيعملها وهي تنطيف المكواة بقطعة قطن من بتاعوا الوش نمسح حواف المكواة لان بقايا الكريم بتتجمع هناك و تمسحيها برقة و حنية و تمسحي الصفايح شايفه الكريم متجمع عند الحواف و القطنة مابتكدبتش اهي سوري يابنات القطنة مش نطيفة خالص بس حبيت اوضح و كمان الصورة ديه و تلفي السلك حولها من غير ما يكلكع (ايه الكلمة الصعبة ديه مش عارفة اكتبها اصلا) و تشيلها وردة فلة شمعة منورة زي بتاعي
فى حفظ الله
طريقتي في كوي شعري بbabyliss وازاي تحافظي علي مكوتك ديما جديدة...بالصور
الرئيسية
