انا قريت الموضوع ده في مجله وقلت لازم تستفيدوا معايا نرطب البشره الدهنيه: باننا نغسلها كويس ونحط كريم المرطب عليها هنلاقيها رطبه فعلا لانها مش هتفرز دهون زياده بس اهم حاجه يكون المرطب خالي من الزيوت
اما البشره الحساسه : افضل وسيله لترطيبها هي تدليكها بزيت اللوز من تحت لفوق بس الجيلاتين وماء الورد افضل مرطب لجميع انواع البشره كل الحكايه معلقتين جيلاتين ومعلقه من ماء الورد
اما كريم الليل بيكون اتقل لانه بيعمل تسريع لتجديد الخلايا وماء الورد بيبقي كويس اوي في منع ظهورالمسام الواسعه زالخطوط الرفيعه في البشره وفي كمان مجموعة ماسكات لكل نوع بشره
ماسك للبشره الجافه: نشتري جيلاتين من السوبر ماركت ونحط معاه عصير تفاح ونسخنهم شويه لحد مايبقي جيلي ونضعه علي البشره
ماسك للبشره الدهنيه: نجيب نص خياره وبياض بيضه ومعلقه صغيره ليمون ومعلقة نعناع ونخلطهم ونضعهم علي البشره ممكن بردو خلط الجيلاتين مع الطماطم ونضعهم ع البشره
اما ماسك البشره العاديه: تاح مقطع ومقشر ومعلقتين عسل ونخلطهم ونعمل ماسك لمدة 20 دقيقه واكتر حاجه تشد الوجه ومضاده للتجاعيد هو الموز المهروس
ازاي نحط الماسك : علشان الماسك يجيب نتيجه كويسه معانا لازم الاول نعمل حمام بخار وبعده نحط الماسك وبعد مده معينه نغسله بماء دافئ وبعدها نضع كريم المرطب علي حسب كل بشره وعلي الفكره القناع بيتحط من تحت لفوق
النقط السوداء : افضل حل للنقط السودا هو حمام البخار وممكن نستخدم الشاي الاخضر كمقشر وهو اكثر شي مضاد للبكتيريا
الرئيسية
