المقادير وايد سهله مافي مخاسير <<فيس هتونه


2 كوب دقيق
4 بيضات
كوب سكر بودرة
نصف كوب زيت
كوب حليب



ملعقة ونصف باكينغ باودر
ملعقتين نسكافيه
ذرة فانيليا



الطريقة :

نغلي الحليب والنسكافيه في جدر ع النار لحد مايذوب
النسكافيه ونشيله ونخليه يبرد

نخفق البيض والسكر ثم نضيف له الزيت والحليب والدقيق والباكينج باودر
بالتدريج .
مع استمرار الخفق نصب الخليط في صينية مدهونه زيت
والمقدار هذا يساوي صينيتين
ونخبزه في الفرن المحمى مسبقا ع درجة حرارة متوسطة
لحد ماتستوي الكيكة ..




نجي لسر اللذة



صوص النسكافيه:

نص علبة نستله
ملعقتين طعام نوتيلا
4 ملاعق قيمر
ملعقة كريمة بيتي كروكر بيضاء (استبدالتها بكريمه الخفق )

نخلطهم ع النار لين تشوفينها ان ذابت المكونات
وتصبينها ع الكيكة بعد ماتبرد

وتزينيها بحبيبات النسكافيه
أنا زينتها بالفستق <<فيس يموت فيه ^^






























أنا سويتها بكيكة كاكاو لاني مااحب طعم النسكافيه وايد
تجنن الصوص يخلي الكيكة لينه وتذوب بالحلج يمي يمي

جربوها وراح تدعوا لي ^^