كريمات, فرد, الشعر,كريمات, فرد, الشعر,كريمات, فرد, الشعر ------------- بسم الله الرحمن الرحيم فيه ناس كتير بتسأل على كريمات الفرد وناس تانيه ضدها
بس استني .. قبل متخوفي البنات من الفرد .. اسمعيهم
انا من البنات اللي شعرها 2X1 هايش ومجعد فنفس الوقت وطبعا لما بسرحه بيتقطع وكل شعرايه طولها غير التانيه ومتنسوش كمان القشرة كانت صحبة شعري الانتيم وبعد ده كله اكيد كان بيقع
كنت خايفه من الفرد بس قلت هو كده كده بيقع واتشجعت واول فرد عملته الفرد اللي بتعمله سحر ب150 فرد شعري بنسبه كويسه وقلل الهيشان بس كنت علطول بلفه طاقيه عشان يبئه مفرود بنسبة 100% وطبعا اللف طاقيه علطول وقع شعري من قدام وكمان شعري خف بس عشان هو كان اصلا تقيل مكانتش مشكله اوي بالنسبالي طبعا ده مع االاهتمام كل اسبوع حمام كريم وممكن كمان مرتين في الاسبوع وكنت بستخدم كمان سيرم.
بدأ شعري الجديد يطلع ومع الاهتمام طول بسرعه وكل شويه اقصه لحد ماقصيت الشعر المفرود كله ورجعت من الصفر
وقبل فرحي بشهر كنت محتاره فكريمات الفرد والكوافير اقترح عليا فرد --- لـوريـال --- وقالي انه تحفه وكنت مستعجله قجازفت وعملته
سعره 350 بس ده من فتره
وطريقته زي الCHI بتفضل تغسل وتعمل استشوار وتحط الكريم الفرد مره ومره البلسم قعدت تعمل فشعري 4 ساعات تقريبا نفس الطريقة
ومش عايزه اقولكو بئه اللي حصل
..........
..........
لقيت شعري حريييييييييير كأنه معمول استشوار بظبط
وغسلته بعدها لقيته وهو مبلول شكله ناعم طبيعي لدرجة ان جوزي قاللي كنت خايف شعرك يكون مش حلو (ساعتها ضحكت بيني وبين نفسي وقلت لو شافه على حقيقته ... كان اتصدم)
ولا القشرة اختفت تماما وده طبعا عشان الشعر المفرود يعتبر ميت ومبيفرزش الزيوت اللي بتعمل قشرة وبئت ريحة الشامبو وحمام الكريم بتفضل ففروة راسي بالايام وبسرح شعري من غير مايتقطع وكله بئه طول واحد والشعر من قدام مخفش زي الفرد الاولاني
وانسي بئه لف الشعر طاقيه والحاجات دي بس طبعا لازم الاهتمام الشامبو وحمام الكريم والسيرم اللي بترتاحيله
عايزة اقولكم اختي راحت عملته وصبغت شعرها كمان فنفس اليوم والحمدلله شعرها حلو وموقعش وصحبتي كمان عملته وشكرت فيه
الرئيسية
