بسم الله الرحمن الرحيم --------------------------------- انا جيبالكم نظام ملوش حل بس الى تمشى علية صح هقولكم بس قبل مقولكم فى كذا حاجو لازم نتفق عليها
فى وصفة بتتاخد قبل الاكل ومشروب بعد الاكل الى قبل الاكل بيزود حرق الدهون عندك والى بعد الاكل بيفتت الاكل اية هما
الى قبل الاكل معلقة كمون + نصف معلقة جنزبيل + ربع معلقة قرفة + شريحتين لمون = نضعهم على كوب ماء ساخن بس متغليهمش لاء هاتى كوباية مية سخنة وحطيهم عليها وسيبيها تلت ساعة وبعدين اشربيها بس اهم حاجة تشربيها قبل الاكل ( الوصفة دى خدتها من دكتورة فالتليفزيون ) اسمعوا بقى فوائد الوصفة دى 1 - بتزود المناعة 2- بتسد النفس عن الاكل 3- بتزود نسبة حروق الدهون 4- بتقوى العضلات ( جنزبيل )
دة قبل الاكل
_____________
طب بعد الاكل اشربى شاى اخضر جميل جدا هاتى مية سخنة وحطى عليها الشاى الاخضر وسيبيها خمس دقائق واشربيها بيفتت الاكل الى اكلتية وعلشان يمشى معاكى كويس اشربى اول اسبوع مرة واحدة قبل متنامى وبعد كدة اشربى بعد كل وجبة ( وهتلاقى الكلام الى بقولة دة على النشرة برة )
__________
وحاجة تانى هاتى اكياس بيلاستيك وحطيها على المنطقة الى عوزة تخسيسيها والعبى رياضة وحاولى تلبسى حاجة تقيلة واتنى بتلعبى رياضة ويكون مفيش مروحة جمبك يعنى خلى الجو دافى هيعرقك قوى
__________
الرياضة بقى اعملى سيرش على النت وهاتى رياضة المشر فالبيت منتدى فتكات هو اسمة كدة رياضة بسيطة بس فظيعة هتعرقك جامد قوى قوى قوى ونزليها على جهازك علشان هتعمليها مرة اول متصحى بس بعد الاكل طبعا ومرة قبل متنامى __________ و وحاجة تانى اول متصحى اشربى على الريق مية دافية بتسيح الدهون برضو
____________
واخر حاجة لو هتاكلى سلطة حطى عليها خل تفاح يبقى جميل برضو فالتخسيس
____________________________
تعالى بقى اقولك على طريقة الاكل
اما جيت افكر بينى وبين نفسى هل الرجيم دة هقدر استمر علية بقيت حياتى ولو استمريت هضعف علشان اى رجيم بياخد القيمة الغذائية الى فالجسم حتى تلاقم الواحدة فساعة الرجيم ضعيفة ومش قادرة تعمل اى حاجة فهنمشى على الرجيم دلوقتى طب وبعدين مش هنقدر نمشى علية بقيت حياتنا وعلى فكرة الواحدة الى بتمشى على رجيم ووقفتة وكلت عادى بتتخن من اقل حاجة
فاحنا مش هنعمل رجيم هناكل عادى بس نقلل من اكلنا ونبعد عن اى حاجة فيها دهون او تتخن
نطام الاكل
الفطار : بيضة وثمرة برتقال علشان البرتقال بيساعد على حرق الدهون او زبادى وثمرتين او 4 ملاعق جبنة قريش مع واحدة طماطم
الغدا : لازم ناكل حاجة فيها بروتين يعنى لو كلتى لحمة او فرخة لازم يكونوا مسلوقين او مشويين او سمكتين مشويتين او الى انتى عوزاة بس فالمعقول بلاش تقومى من على الاكل شبعانة وكلى سلطة وحطى فيها خل تفاح
العشا : لو افرطى فالغدا متتعشيش ولو ختى بالك من الاكل فالغدا اتعشى والعشا نفس الفطار بس انا احبز زبادى وثمرتين احسن
والرياضة ثم الرياضة ثم الرياضة
واعملى الوصفة الى قبل الاكل والشاى بعد الاكل وبعد كل وجبة العبى رياضة
الرئيسية
