وصفة عمل شامبو طبيعي-وصفة عمل شامبو طبيعي-وصفة عمل شامبو طبيعي-وصفة عمل شامبو طبيعي-وصفة عمل شامبو طبيعي-وصفة عمل شامبو طبيعي-وصفة عمل شامبو طبيعي --------------------- السلام عليكم اولا انا قرأت الموضوع ده على فتكات عن طريقه عمل شامبو طبيعي دورت على العضوه اللي عملته عشان اشكرها والله بس مش لقيته بجد كان فوق الرائع وخلى شعري خيااااااااااااااااااال ووداعا للهيشان والجفاف والخ الخ الخ
المهم المكونات كالاتي
1- صابونه نابلسي مبشوره 2-ملعقه كبيره ملح 3-ربع ملعقه نشا ((خدو بالكم ربع بس عشان لما تبرد متبقاش زي المهلبيه)) 4-ملعقة صغيرة أنولين او جلسرين او فازلين بعد كده الزيوت (( زيتون _ خروع_ لوز_.........)) اللي انتي عاوزاه 5-المادة العشبية (( زعتر-بابونج-روزماري-..........)) ((ربع كوب لكل لتر ماء))
الطريقه بقى اللي عملت بيها بشرت الصابونه بالمبشرة وغليت الماده العشبية (( انا حطيت التلاته اللي قلتلكم عليهم..... هي قالت كل شعر والماده المناسبه معاه بس انا حطيت التلاته)) حطيت من خليط المواد العشبيه دي ((ربع كوباية)) لكل لتر ماء المهم غليتها فتره لحد مالميه اغمقت كده شويه وبعدين سيبتها تبرد شويه وانا مغطياها وبعد كده صفيتها وبعدها خدت الميه اللي متصفيه دي حطيت عليها الصابونه المبشورة وقلبتها على نار هادية لمده 10 دقائق كده وبعدين حطيت ملعقة كبيره ملح وبعد كده اما انك تحطي ملعقة صغيرة جلسرين او فازلين او انولين (( انا حطيت فازلين وجلسرين سوا لان شعري جااااااااااااااااااااااااااف من هنا لبكره)) وبعد كده حطيت الزيوت يعني شويه كده ممكن ملعقه او اتنين حسب حالة شعرك (( بس انا بصراحة حطيت اكتر لان شعري متدمررررر)) وبعد كده قلبي واطفي النار وسيبيها تبرد وعبيها في زجاجة في البداية هتحسي انه سائل اوووووووووي ومش ماسك نفسه بس سيبيه يبرد وهياخد شكل الشامبو عشان النشا بتخلي الخليط يتماسك شوية
أخطائي بقى: اني زودت كميه النشا عشان طول مالخليط سخن بتحسيه سايل اوووووووي وحسيت ان النشا مش كفاية وحسيت انه باظ فقلت ازود عشان يمسك نفسه شويه عشان كده لما برد بقى ماسك زي المهلبية بعد لما برد قسمته على زجاجتين وزودته ميه سخنه ورجيته كويس اوووووووووي عشان التماسك يقل شوية وقل الحمد لله وبقى كويس اوي
عيوبه: لما شميته محبتش ريحته بصراحة بس بجد طرى شعري جدااااااااااااااااا ومبقاش هايش نهااااااااائي واحسن مليون مره من الشامبوهات اللي بره وبأذن الله هعمله على طول المهم انا عشان احسن من ريحته حطيت عليه شوية مسك سائل معرفش ده بقى صح ولا غلط اللي انا عملته ده بس انا محبتش بصراحة ريحته والمسك حسن ريحته خاااااااااااااااااالص بس انتي ممكن تحطي اي عشب بيخلي الريحه حلوه وياريت حد يفيدنا من حيث النقطة دي وبصراحة يستاهل ان الواحد يتحمل ريحته علشان النتيجة بتاعته المهم اللي تيحمل ريحته كده اوك واللي ميتحملش يارب بقى حد يفيدنا من حيث النقطة دي هي مش وحشة بس انا محبتهاش
بجد كان نفسي اصورلكم الطريقة بصراحة بس انا خفت ميعجبنيش ويبوظ مني قلت اول موضوع طبيعي أجربه واحطه على فتكات يبقى بايظ فقلت لما اجربه الاول باذن الله المره الجايه أصورها وأنزلهالكم ده مش اول موضوع ليا في المنتدى طبعا بس اول مره اكتب حاجة مجرباها ونفعت اوي كده
انا كده خلصت اولا ربنا يجازي صاحبة الموضوع الاصلي كل خير وبجد كان نفسي اشكرها على موضوعها ده بس للاسف معرفتش اوصل للموضوع ثانيا أمانه عليكم تدعولي ربنا يصلح حالي ويحققلي كل اللي بتمناه ثالثا اللي في حاجة وقعت منها تقوللي وانا معاها وربنا بس يقدرني والسلام
وصفة عمل شامبو طبيعي-وصفة عمل شامبو طبيعي-وصفة عمل شامبو طبيعي-وصفة عمل شامبو طبيعي-وصفة عمل شامبو طبيعي-وصفة عمل شامبو طبيعي-وصفة عمل شامبو طبيعي ---------------------
الرئيسية
