[ندعوك للتسجيل في المنتدى أو التعريف بنفسك لمعاينة هذا الرابط]


ومالها [ندعوك للتسجيل في المنتدى أو التعريف بنفسك لمعاينة هذا الرابط] !!!



[ندعوك للتسجيل في المنتدى أو التعريف بنفسك لمعاينة هذا الرابط]




الله أكبر الله أكبر .. أذان الظهر ..
-
يارب.. يارب بحق ده الآدان تنجح يا جامعاوى يابن ابنى وأشوفك دكتور أد الدنيا
-

ياستى بس أنا فى تجارة
-
وماله يابنى هو يكتر على ربنا...... ده ربنا قادر على كل شئ

- ياستى ونعم بالله بس اللى بيطلع دكتور لازم يكون فى كلية الطب مش التجارة

-

ياللا تجارة تجارة .. [ندعوك للتسجيل في المنتدى أو التعريف بنفسك لمعاينة هذا الرابط] التجارة .. دى حتى التجارة شطارة.. ده الله يرحمة جدك كان تاجر فى الوكالة أد الدنيا


-

ياستى التجارة اللى فى الوكالة حاجة واللى فى الكلية حاجة تانية
-

على العموم شد حيلك أنت وانا أخلى جدك ياخدك معاه الوكاله عشان تتدردح وتتودك فى السوق


-
جدى إيه اللى هاياخدنى معاه ..... ده جدى مات من زمان ياستى

يامصيبتى عبد الواحد مات.. ياحبيبى ياأخويا.. مكنش يومك ياسبعى
-
ياستى ده ميت من تلاتين سنة
-
تلاتين سنه.. ده العمر بيجرى ياولاد تصدق ولا حسيت بيهم .... يالا آهو غار فى داهيه

.... قطع وقطعت سيرته.. ده كان بخل الدنيا فيه.. إن ما عمره دخل عليا ببطيخة ولاكيس جوافة



- ياستى حرااام عليكى عايز أذاكر بقى

- يوه.. وأنا ماسكاك ياوله.. ذاكر ... ذاكرعشان ربنا يكرمك وتنجح وتاخد الدبلون


-
ياستى دبلون إيه ؟.. إسمه البكالوريوس
-
إنت عتضحك عليا ياوله.. إسمه الدبلون الواد ابن فايزة جدع زيك كده فى مدرسة التجارة وخد الدبلون


-
خلاص دبلوم دبلوم ياستى .. سيبينى بقى عشان أذاكر

- ذاكر .. ذاكر ياأخويا ذاكر ... تعرف ياواد .. ندرن عليا يوم ماتنجح لأكون رايحه
خاطبالك عبير بت رئيسه.... دى إيه ياواد!! .. أدب - وأخلاق .. وعلام كمان

[ندعوك للتسجيل في المنتدى أو التعريف بنفسك لمعاينة هذا الرابط]

- ياستى عبير دى معاها أعدادية
-
وماله يابنى ... الراجل مايعبهوش إلا جيبه
-
راجل ... راجل مين ياستى ... عبير دى بنت
-
عبير ... عبير مين ياوله .. إنت بتعرف بنات من ورانا
-
لا إله إلا الله.... أبوس رجلك ياستى أرحمينى بقى

- طب ذاكر .... ذاكر جتك نيله وإنت طالع براوى كده زى أمك.... قطعت
وقطعت سيرتها... أنا مش عارفه أبوك كان أجوزها على إيه.. حكم ... قال
لبس البوصة تبقى عروسة.. بس واللى نبى النبى نبى لكون مبوظه



الخطوبة دى ومجوزاه أنيسة بت أختى


- ياستى خطوبة إيه .. أبويا مجوز أمى من خمسة وعشرين سنة .. وبعدين

أنيسة دى بنت أخوكى مش بنت أختك .. وأساسا إنتى مالكيش إخوات بنات


صحيح ياوله .. إنت عندك حق أنا مليش إخوات بنات.. أصلى أنا أمى ماكانتش بتخلف صبيان


-
حراااااااااااااااااااااااااااااااااام ............ ستى ماتطلعى البلكونة شويه ... ده الهوا حلو بره


-
لأ ياخويا.... فى جدع كده حليوه وشعره مسبسب فى البلكونه اللى فى الوش بيقعد يعاكسنى


-
خلاص روحى المطبخ ... أهو زمان أمى خلصت الرز

- رز... رز إيه يابنى .... هو أنا ليه سنان للرز ... أناهاطلع البلكونه أحسن
-
طب أبقى خلى بالك م الهوى ياستى

- هوى لما يلطشك

الحمد لله أخيرا خرجت وقدرت أذاكر .. رحت الأمتحان تانى يوم وربنا
كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها




ياتري اسمي ايه اسمي ايه ؟؟؟؟؟


[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]



[ندعوك للتسجيل في المنتدى أو التعريف بنفسك لمعاينة هذا الرابط]

وكل عام وانتم بخير ويا رب البرنامج ينال اعجابكم