مساء الخير على حبايبى الفتوكات متتخيلوش انا استفدت اد ايه من المنتدى العظيم ده بجد ربنا يخليكوا ليا لانكم بقيتو كل اصحابى ....هبطل رغى وهدخل فى الموضوع انا بشرتى دهنيه وحساسه وكان عندى حب شباب روتينى اليومى اول حاجه بستعملها الصبح على وشى هى صابونة طبيه اسمها تراى تكت بجد مهما اوصفلكم الصابونه دى مشوفتش زيها بعد تجارب كتير. فى نص اليوم بستعمل غسول بيوديرما للبشره الدهنيه ودى صورته فى اخر اليوم بغسل وشى بالصابونه تانى وقبل النوم مباشرة بغلى مياه وبسيبها تبرد واحط عليها ماء ورد واسيبها شويه فى التلاجه وبعدين اغسل وشى بيها بتدينى انتعاش دا غير طبعا انها بتقفل مسام وشى قبل النوم قبل خروجى من البيت مباشرة بغسل وشى بغسول نيتروجينا غسول وقناع ودى صورته وبعد الغسول بحط واقى الشمس من ايزيس فارما وطبعا فلود مش كريمى لان بشرتى دهنيه روتينى الاسبوعى انا كل اسبوعين بالظبط بعمل حمام بخار لوشى بفضل مثبته وشى فوق البخار ربع ساعه ومبمسحش وشى بعدها بفضل سيباه واحط على طول الاسكرب وده من نيتروجينا لان البشره الحساسه مينفعش تعمل اى مقشر الا بالمنتج ده لانه مناسب جدا للبشره الحساسه وده صورته وبعدين بعمل الماسك المفضل بتاعى وهو شوية لوز مطحونين وعليهم معلقتين لبن وبحطه ساعه على وشى وبأمانه ماسك فظيع بيخليكى بيضه جدا ووشك صافى انا جربت ماسك الترمس وحجات كتير بس ده اللى جاب معايا من الاخر والماسك ده ثابت عندى بعمله مرتين فى الاسبوع وبعد الماسك بحط كريم مرطب بس على خفيف كده لانى بشرتى دهنيه وهو كريم جونسون واكمل باقى يومى عادى عسول بيوديرما فى نص اليوم والصابونه بالليل والماء ورد قبل ما انام وعلى فكره يابنات صابونه تراى تكت 3 انواع نوع للاطفال ونوع طبى عادى ونوع لحب الشباب وجابت معايا فرق كبير وياريت تجربو ماسك اللوز بلبن بجد هيعجبكم اوى بس جربوه قبل ما تنامو هتصحى مش تعرفى وشك ومغذى جدا يارب اكون قدرت افيدكم ومتنسوش التقييم يااحلى فتوكات لانى تعبت فى الموضوع ده وربنا يسعدكم جميعا
الرئيسية
متتخيلوش انا استفدت اد ايه من المنتدى العظيم ده بجد ربنا يخليكوا ليا لانكم بقيتو كل اصحابى ....هبطل رغى وهدخل فى الموضوع انا بشرتى دهنيه وحساسه وكان عندى حب شباب 
