مهما قال و ضحك على عقلك بكلام معسول .. انما الواقع حاجة تانية
شايفه فى عنيكى سؤال بيقول بس إزاى هتجوز واحد من غير ما يكون بيننا حب؟
عاوزانى أرد عليكى؟
انتى تعرفى القاعدة اللى بتقول ما بنى على باطل فهو باطل؟
إنتى عندك علم إن أكتر من 70% من اللى بيدخلوا فى علاقة غير شرعية قبل الزواج (مرتطبين عاطفيا) بيحصل بينهم طلاق؟
من ضمن الإحصائيات الكتيرة فى الموضوع ده
فى أستاذ فى علم الإجتماع فى فرنسا إسمه الدكتور سول جور دون
عمل دراسة ميدانية و توصل إلى نتيجة صادمة حوالى 85% من الزيجات اللى تمت عن طريق علاقات غرامية قبل الزواج انتهت بالطلاق !!
بينما لا تتجاوز تلك النسبة ( 5 % ) في الزيجات التقليدية التي تعتمد على العقل والتريث ولا تستند الى الإندفاع العاطفي فتنهار عند أول منعطف ..سبحان الله
دى نتيجة بحث من متخصصين فى مجال علم الإجتماع
يعنى بإختصار شديد انتى بتعملى غلط بيغضب عليكى رب السموات و الأرض
و علاقتك دى ربنا لا يبارك فيها
بل غالباً ما سوف تنتهى بفشل ذريع و مؤلم و لو مش مصدقانى افتحى عنيكى كويس
و شوفى الناس و اعرفى اخبارهم هتسمعى قصص كتييرة أوى غرام و حب و كلام من ده و فى النهاية
نكد و قرف و خناق و طلاق فى سنوات الزواج الأولى (فى خلال 5 سنوات) عادةً
تعرفى ليه؟؟... لسببين
أولاً.. لإن ربنا لا يبارك فى علاقة غير شرعية و يكون الجزاء من جنس العمل
ثانياً .. علاقات ما قبل الزواج تكون مبنية على أقنعة كاذبة و ردود أفعال معظمها مصطنع غير صادقة لشخصية الطرفان مهما كانت درجة العلاقة و بينخدع الطرفين و بيعتقد إن دى الشخصية الحقيقة و بيفتكر انه يعرف كل عيوب الطرف التانى
و لإنك مش عايشة معاه و لا تعرفى حاجة عن عيوبه إلا اللى ظاهر منها..و ما خفى كان أعظم
*♥♥**♥♥**♥♥*
و طبعا بيحصل الصدمة فى الزواج بعدها لان العِشرة بتبين اللى دايما كان بيبقى مستخبى عنك فى الشارع أو الكافيه اللى كنتوا بتتقابلوا فيه. لإنه مش بيظهر ليكى غير اللى هو عاوزك تشوفيه او تعرفيه عنه
*♥♥**♥♥**♥♥*
يقول د. سول : إن الإندفاع العاطفي يعمي عن رؤية العيوب ومواجهتها ويوهم الشاب والفتاة أن الحب يصنع المعجزات بينما يعمل الطرفان في الزواج التقليدي على انجاح ارتباطهما ويعرفان أن الزواج مسؤولية وأعباء وتسامح وتنازل ،
في الوقت الذي يعتقد العاشقان أن الزواج رحلة حب لا نهائية تخلو من المشاكل
*♥♥**♥♥**♥♥**♥♥**♥♥**♥♥**♥♥**♥♥**♥♥*
لو بتحبى ربنا اقطعى علاقتك بالشاب ده و استغفرى لذنبك و ربنا غفور رحيم
و الشاب ده لو محترم بجد هيخبط على بابك و يخطبك زى الرجالة من أهلك..
أنا بقول الكلام ده لإنك غالية .. و شايفاكي مش حاسة بقيمتك لإنك لو حاسة فعلا بقيمتك
كنتى قولتى لنفسك أنا جوهرة غالية محدش يقدر يقرب منها
ما تنزعجيش من كلامى بس فعلا انتى كنتى محتاجة اللى يفوقك من اللى انتى فيه واحد يكون كلامه مباشر من غير دبلوماسية و مجاملة و ربنا يهيدكى و يهدينا جميعاً إن شاء الله
*♥♥**♥♥**♥♥**♥♥**♥♥**♥♥**♥♥**♥♥**♥♥*
المقال للنشر فى جميع الصفحات لتعم الفائدة إن شاء الله
الرئيسية
