معلومات العضو
المدير العام
معلومات إضافية عدد المساهمات : 13277
نقاط العضو : 39341
نقاط سمعة العضو : 3
تاريخ التسجيل : 25/02/2012
العمر : 44
الموقع : افلام زووم
| ![مُساهمة]( "مُساهمة") موضوع: أتزوج علي زوجي ((عفوا زوجي فأنا سر الجاذبيه))  الجمعة 9 نوفمبر 2012 - 14:46 |
| أتزوج علي زوجي ((عفوا زوجي فأنا سر الجاذبيه))
((عفوا, متزوج, الجاذبيه)), زوجي, فأنا
أتزوج علي زوجي ((عفوا زوجي فأنا سر الجاذبيه))
جابها...في بيتي ...قال ايش تسلم علي >>>> سلم عليها ملك الموت .
دخلت بيتي ثاني يوم ....تبي تزورني >>> نزورها في مستشفى شهار
مشت تمخطر قدامه ..جاية تمد يدها لي >>>> جعلها للقطع
قال ايش ...بتحط يدها بيدي..ليش؟ >>>>نعرف بعض مثلا؟!
قال زوجي : سلمي على خويتك من اليوم ان شاء الله بتكونون اصحاب وجارات طيبات!!
نظرت في زوجي..نظرة قاتلة..لكن للاسف مافهمها..مادري هو دلخ ولا انا مااعرف اضبطها >>اقصد النظرة القاتلة
حولت نظري لها...طبينتي ..الي سماها خويتي >>> خاوتها النسور
حولت نظري لها...وصرت اتفرج عليها وهي لسه تمخطر بمشيتها وتنوي تمد يدها تسلّم..صحيح انها معطيه زوجي قفاها ومقبلة علي انا لكن انا عارفه ان قلبها عليه
ومشيتها هذي له ... ماهو لي!!
>>> لكن هين..هين..ياعجوز البنات..ان ماوريتك من هي خويتك..واشلون صحبتها !!
غبر ياثور على قرونك...وهذا انتي غبرتي ...وتحملي مايجيك!!
ترى لسه انظر فيها وهي تمخطر..لسه ماوصلتني >>> ويش تزف نفسها مرة ثانيه الاخت؟!
قطعت عليها...ورحت لها انا...وبنص الطريق تقابلنا...مدت يدها...مديت يدي >>> لكن الفرق ان هي تبي يدي ...وانا ابي رقبتها!!
ومسكت رقبتها...وخنقتها..خنقتها لين شفت لسان الموت يلعب ببلعومها...ياسلام لحظة رائعه جدا...لكن زوجي نكد علي
وجاني ركض ودفسني ..وقال مستحيل تعقلين!!..بتذبحين الحرمة!!
قلت : لا مابي اذبحها ..كنت ابي اقيس محيط رقبتها عشان العقد الي شريته لها!!
قال زوجي : حقك والله عقد بقرة اربطه في نحرك ...
قلت : اجل ويش هوله جايبها لي ...تبغاني احبها غصب..ولا تبي تمكنها مني وتجي تشمت فيّ في قعر داري!!
قال : تكفين ياقعر دارك ..من متى الثقافة؟
قلت : كنت موفرتها لك..لكن طلعت ماتستاهلها ورجعت لاهلها.
قال: ياشينك لابديتي تفلسفين!!
قلت : هاللحين جالس تهزئني قدامها..ترى ماراح يكفيني دمها لو شربته..اطلع انت وياها..ولا بغيت تشوفني وتشوف عيالك تعال بدون
ذيل!!..ذيلك الاجرب ذا لااشوفه ولا والله لااقطعه ...
نطقت عجوز البنات : قالت بصوت مخنوق تقل صوت نمله >>> ماعمري سمعته
قالت : انا ذيل..انا ذيل..شوف ايش اتقول عني ام عيالك؟!>>> عجزت اتقول زوجتك
قلت : ياي زعلانه على هالكلمة..اجل انا ايش اقول باللي ماقالت الا فعلت!!..وسرقت زوجي...وخربت بيت كان عامر قبلها!!
قال زوجي : صمي فمك انتي واياها..انا غلطان الي جبتها تسلم عليك وسويت لك مقدار.
قلت : تكفى يامقدار ...لو تقدرني ماقهرتني بحرمة..وماتسوى بعد..!!
رجعت عجوز البنات تنغط اتقول نمله..وماترك لها مجال سكتها وقال لها انزلي للسيارة انا جاي الحين!!
>>>> راحت..وبقيت انا واياه...ياسلام انتصرت!!..اكيد بيطلقها ..ويوديها لاهلها ويرجع لي ...زوجي يرجع لي
قطع افكاري بصرخه قوية ومسكني بكتفي وشدها ورى وقدام ..ارتج دماغي معها.وقال: اسمعي فيه كلمتين ماحبيت اقولها قدامها
انتي تعرفين انا تزوجت عليك ليش...وانتي اخبر بنفسك وبحياتك معي..والان تراني اخيرك خيارين مالهم ثالث ..ياترضين بنصيبك ,,,, ياترضين بنصيبك!!
عيالك وبيتك محتاجينك..وانا باظل ابوهم وراعي هالبيت..وحقك ماراح اظلمك فيه..فشوفي الخيار الي انسب لك..وردي علي بكرة.
قلت : لا ,,, ماشا الله تركت لي مساحة واسعه من الخيارات ...انا اشوف الخيار الخامس افضل!!
رجع يرج لي دماغي ويمصع لي كتوفي ويقول بتهكم : جاك العلم...وبكرة بيننا كلام.
وراح...راح...الي كان زوجي >>>>ومازل
راح الي كان ملكي لحالي...كان لي انا بس..من بين كل نساء العالمين!!
راح ....لكن ليه راح؟
سوال ضرب نفوخي..فجأة..ونقزت عيوني ...ولويت فمي..وطيرت حواجبي..وهزيت راسي!!!...ليه راح؟؟!!!
ركضت للمراية..وسالت نفس السوال...واعدت نفس الحركات البهلوانية السابقة..ليه راح؟!
امممممم...نفكر شوي...يمكن نلقى اجابة!!
المراية ...المراية جاوبتني...شعري نااااااااااااعم ذهبي مموج...وعيوني كحيلة ..ومكياجي صارخ...وخشمي مرفوع فوق..فوق
وين بيوصل؟؟!!...
الموضوع الأصلى من هنا: منتديات عالم المرأة http://www.movieszoom.net/f59-montadat237171.html#post2914931
اها ...يمكن لاني حلوة زياده!!...لا ...لا ....يمكن لاني مغرورة زيادة!!
اها...انا فرس جامح!!
مااتنازل ...أبدا...وما الين...الا بشق الانفس!!
شخصيتي صعبه...ومطالبي اصعب..ونفسي متعالية..لااقبل الحلول الوسط..ولا اتغاضى عن سفاسف الامور
دقيقة بتصرفاتي..ومراقبة تصرفات غيري...مااقبل الاخطاء..وكل خطا بعقاب..ماكنت ارضي باي لحظة جنون
يمارسها زوجي وكنت احاسبه عليها حساب عسير..
لو شفته يطير عيونه بحريم القنوات نقزت له عيونه ...
ولو راح يسهر وتاخر نمت عند العيال وتركته ....
ولو رحت مناسبة ورفض يعطيني ثمن الهدية عوضتها بطلبات البيت وفلسته...
ولو قال بيجينا ضيوف وجهزت لهم..وماجوا...عاقبته..اسبوع مافيه طبخ!!
ولو رحت لاهله ..وزعلوني..عاقبته...شهر مايشوفوني!!
ولو زاروني حريم اصحابه ..ومااعجبوني..منعته يعزم حريمهم مرة ثانيه!!
ولو طلبته علاقة خاصة ورفض ...رديتها له مراااااات
ولو طلب مني اتواضع بعلاقتنا الخاصة...واسوي اللي يطلبه مني..ارفض واقول هذا ينافي الفطرة السليمة واحسه ينزل مقامي ويقرفني!!
ولساني...لساني...كنت احبه ...احب استعرض بطولاته..قدامه وقدام اهله...احب اوريهم ماملكه من لسان سليط..
وفي الحقيقة لساني ماكان مثقف!!...يعني ممكن اتلفظ بلفظ جارح او اقتبس من لهجة الحواري لو تؤدي الغرض!!
قال لي زوجي زمان : انا ابغى حرمة سهله!!
احسبه يقصد حرمة ضعيفة او تنخدع بسهوله!!
لكن وضح لي انه يقصد حرمة سهله يعني مطيعه...مرنه..حبوبة...تغاضى وتنازل..
ومالقيت له بال ورفضت رفضا باتا اني اتغير..لاني اشوف نفسي قمة القوة والتماسك
وشكلي مازلت على ضلالي
وراح زوجي
رااااح
هو يقول انا مارحت...انا قريب منك...ومن بيتي وعيالي ...انا فقط ابحث عن شي ينقصك في حرمة ثانيه..بعد مارفضتي انك تسويهلو مجامله..لي..!!
ياترى...بيلقى فيها الي طلبه مني ورفضته!!
مادري!!
المهم مازلت اقول : خله يروح مصيره يرجع لي انا الاولى وانا القوية وانا ام عياله وانا ..انا...انا ...كل هالكلام ولسه انظر بالمراية ..وانتبهت لوجهي..!!
انتبهت لتعبيرات وجهي...كانت مخيفة....وجهي خوفني وقطع علي النقاش...تحول مع غمرة النقاش ..لوجه مخيف ..
يااااااااااااه ...هذا انا....شي مرعب...هالوجه ماعمري شفته!!...لاني دايم انظر للمراية وانا مروقة ومبتسمة واتباهى بجمالي..عمري ماناقشت احد وقدامي مراية!!
اها...زوجي...زوجي اكيد شاف وجهي هذا لاني ياما تناقشت بحده معه!
عشان كذا هرب زوجي....هرب مني...من وجهي المرعب...الي ينطق بالشر...كان مرايتي ..وعرف من وجهي ايش الي يشيله قلبي...!!
وقفة :
* الوجه البشوش ...يعكس قلبا بشوشا مثله...ويعبر عن نفس طيبة
"""""""""""""""""""""""""""""""
* واللسان البذيء ...يبقي صاحبه وحيدا بلا اصحاب ..والثقافة تحد من جموحه.
""""""""""""""""""""""""""""""""
* والكبرياء..الزائد عن حده..ممقوت مع الغرباء...وهو ممقوت اكثر مع زوج وشريك حياة
تحياتى أحتكم تـــــــاايها
..............
كيف اجعل طفلي يشعر بالبهجه وهو يبكي طوال الوقت
أي نوع من الاطفال كنت
...ليه ماأحد يحبنــي ...
وزارة التجارة تسحب من الأسواق 6 من منتجات ورق العنب بسبب الإصابات الحشرية
ا ختبرذكـــائك
|
|
|
