ازيكم يافتاتيك مش هرغي كتير وهدخل في الموضوع على طول
طبعا مشكلة الحبوب دي عندنا كلنا تقريبا
وانا بصراحه كسلانه اوي في موضوع الوصفات الطبيعية والحاجات دي
وكمان الحبوب مش بتطلعلي على طول ومش كتير بس ده ميمنعش انها بتضايق اوي
المهم بقى وانا في ساعة تجلي في البيت كده بضرب بعيني لقيت لوسيون ديرموفيرا يااااااااه كانت دكتورة جلدية قالتلي عليه لما سألتها على مشكلة الحبوب وجبته من زمان وخليته ساعتها مكانش عندي حبوب ومستعملتوش ونسيته
قولت في بالي الله طب ما اجربه دلوقتي
وجربته والنتيجه
لولولولولولولولولولي
والله يابنات الحبوب راحت بالتدريج وحسيت بفرق من تاني يوم وكمان افتحيت
واول ما شوفت النتيجة قولت اجي اقول لفتوكاتي القمراتي وافيدكم زي ما بستفيد منكم كتييييييييييييييييير
ملحوظة كلبوظه:نوع بشرتي مختلطه مايله لدهنيه
والاستعمال تلات مرات في اليوم وبتحطي اللوسيون في قطنه وتحطيه على مكان الحبوب
كده انا خلصت وفي الختام احلى سلام لاحلى فتوكات