هااااااااااى عليكوا يا فتوكات .. بصوا بقى انا قرفت من نفسى واكيد فيه منى كتير .. معناه وألم وياريت فى الاخر بفايدة ..
طبعا كلنا عارفين ان وصفات تقليل الشعر الزائد كتيييير اوى ومن كترتها بقينا بنفض لها وبنكسل نجرب اساسا .. بس انا قولت لو جربنا مع بعض اكيد هنشجع بعض واهه يمكن ربنا يكرمنا وتحصل معانا معجزة والموضوع دا يتقلب لمرجع تجارب ويكون فيه الحل الاكيد للبنوتات الصغيرين الى يهبقوا فتوكات الغد
أولا انا هوصف حالتى .. **انا الشعر عندى كتييييييييير وفى كل مكان قولوا ماشاء الله ظهرى بطنى صدرى مش مخلى يعنى مش عارفه اودى جمايله فين
**ومش بيحب يطلع ولا يفارقنى يعمل بستخدم السويت واعقد افرد واشيل افرد واشيل وهو ابداااا وعلى ما يطلع اكون يعنى خلاص بقيت على وشك انى اشيل الجلد من اساسه صراحه قولوا ما شاء الله
** بيطلع بسرعه جدا فهبقى بعيط على العذاب الى اتعذبته مع السويت قولوا ما شاء الله
**مهما شيلت بحس ان بشرتى مش صافيه برضه وخشنه لو قولت اقولوا ما شاء الله اكتر من كدا هتبقى قلد ادب منى بقى فقولوا ومن قلبكوا ربنا يعينها
نيجى للجد فيه وصفات فعلا ليها تؤثير يا جماعه بس احنا بنكسل فيلا بينا مع بعضينا نتشجع ونبدا سوا ون شاء الله الى تستمر هتاخد الجايزة الكبيييييييييرة وهى انها هتلاقى نتيجه مرضيا بأذن الله ( واهه الامل موجود
اول حاجه ... بالنسبه للرجلين هنعمل لها ايييييييييييه ؟؟ هنحط جلسرين ونعمل صنفره بالحجر الخفاف ودا طبعا للى عندهم مسام وشعر تحت الجلد تمام كدا ؟؟ تانى يوم هنعمل الخلطه دى خميرة وعسل وماء ونحطها على البشرة لحد ما تنشف عشان السويت تنجز معانا ونخفف الالم وتشيل الشعرات الصغيرة شيلنا وخلصنا اوعوااااااااااا تغسلوا بمياه هنجيب جنزبيل اخضر ونبشره ونفرك بيه البشرة وبعدين نحط عليه خلطه النشا واللمون والماء ورد ..
ان شاء الله ان شاء الله هنطلع من الى عملناه دا بنتيجه حلوة اوى ان شاء الله مين بقى هيعمل كدا معايا ؟؟؟؟
**الايدين بقى هنحط خلطه الخميرة برضه ونشيل عادى وبعدين نعمل الخلطه دى نبشر صابونه نابلسى شاهين او صابونه غار ونحط ملح خشن بنسبه 1ملح : 2 صابون ونعجنهم بماء وندلك البشرة لمده 10 دقايق ومعلش هنتعب ونسيبها على البشرة من ساعه لساعتين الخلطه دى انا جايباها من كتاب دليلك لازاله الشعر ومتؤكده انها فعاله .. قولولى ليه ؟؟ اقولكوا ليه .. لان فعلا فيه كوافيرات بتفرك البشرة بملح خشن بعد الازاله ولان فعلا زيت لازيتون مثبط للشعر يعنى بيعرقل النمو فأنا متؤكده انها فعاله وفى الكتاب كمان قال انها من اقدم الوصفات وفعاله جدا بس بتحتاج استمرار يعنى كل مرة نشيل لازم نعملها انا هزود انى هدهن زيت زيتون لمده 6 أيام بعد ما اشيل ..
الكتاب قال نغلى كل واحد ونصفيه ونخلطهم ونحطهم فى التلاجه وكل يوم نعمل تدليك للوجه بيهم ونسيبهم من نص ساعه ل ساعه لمده 10 ايام وقال انها فعاله اوى وهى فعلا مقنعه اوى
ها مين معايا ؟؟؟؟؟؟
انا هروح بكرة ان شاء الله فتح الله اجيب الحاجات دى كلها وهبدا انى اعمل الى قلته بالنسبه للأرجل لان دى الى جه وقت انى اشيلها يعنى واول ما اشيل هنتكلم فى النتايج وكدا بس عشان محدش يكسل فيلا بينا كلنا مع بعض ونعملها زى يوميات ونقول النتايج لبعض وخليكوا حلوين بقى ومش تحبطونى
الرئيسية
ظهرى بطنى صدرى مش مخلى يعنى مش عارفه اودى جمايله فين 
