دى يا بنات ردود مسابقه خبيره التجميل
المفروض كان يبقى معانا 4 بنات بس فى 2 انسحبوا
والمطلوب منكم التصويت لاحسن وصفه للعروسه عجبتكم
والمتسابقتين اللى معانا هما
TOM&JERY
وبكره احلى من النهارده


ودى اول وصفه
اولا ملحوظات مهمة للعروسة:
ا- الاهتمام بالاكل كويس جدا جدا الفترة ديه والابتعاد عن الوجبات السريعة ولو مش عندك وقت تاكلي في البيت وانتي بره البيت والا حاجة ابقي جهزي لك اكل من البيت وانزلي بيه او حاولي تاكلي حاجة مضمونة مش ناقصين نزلات معوية.
2- الاهتمام بالنضافة الشخصية وبشدة جدا ولو كنتي بتشتغلي او بتدرسي مثلا وبتضطري انك تدخلي التواليت خارج البيت فلازم يكون في شنطتك غطاء التواليت اللي بيتستعمل مرة واحدة وكمان المناديل المخصصة للمنطقة الحساسة عشان تمسحي بيها برفق بعد كل مرة تدخلي فيها التواليت ده تفاديا لاي عدوي لاقدر الله.
3- لما تيجي تنامي كل يوم حطي علي مخدتك قطرات من زيت الورد او الافندر الطبيعي ايهما اقرب واسهل للوصول ليكي ده هيخليكي تنامي اخر امان باذن الله تعالي.
4- اشتري كل منتجات للتجميل من صيدليات موثوق بيها وبلاش المحلات بتاعة مستحضرات التجميل خاصة اليومين دول لان معظم اغراضها متقلدة للاسف الشديد.
5- لازم يكون عندك روتين يومي انك بعد كل وضوء للصلاة تمسحي وشك بالتونر وبعدين كريم مرطب او مبيض علي حسب ما تحبي وبعد الوضوء برضه تمسحي علي راسك بزيت الزيتون او اي زيت شعر عندك عشان شعرك من الامام ما يتقصفش وقبل النوم يوميا تدهني كريم ليلي من ماركة كويسة وكمان كريم للعينين واوعي تكسلي وفي النهار واقي الشمس او الكريم النهاري مهم جدا.
6- ده مش وقت تخسيس او زيادة وزن خلاص اللي عدي عدي ما تفكريش كتير خليكي حاولي تحسني من نفسك قدر المستطاع