النهارده بقي هتكلم عن ازاله شعر الساقين وبما اني بستخدم السويت فهقولكوا انا بعمل ايه عشان رجلي تبقي فله شمعه منوره
يلا نبدأ بسم الله الرحمن الرحيم
اولا هتحتاجي ايه ؟؟ لو بتعرفي تعملي السويت في البيت يبقي تمام .. مش بتعرفي يبقي عليكي وعلي easy sweet اللي بالعسل الاسود دي احسنهم وفي بعسل النحل وزيت الزيتون حلوين اوي برده
وتسيبيه زي ما هو ولا تشيليه ولا حاجه .. تجيبي السويت بقي وتبتدي باليمين .. خلصتيها ؟؟ روحي اشطفيها بمياه سقعه عشان تقفلي المسام وكمان عشان مكان السويت يروح وهاتي قطنه كبيره وحطي فيها مياه ورد وامشي بيها علي رجلك كلها ( هتقفل المسام ف مش هتعمل نقط مكان الازاله وهترطب يعني مش هتحمري مده طويله ) ( وكمان هتديكي احساس بالانتعاش والريحه الحلوه )
ونفس الكلام بقي علي رجليكي الشمال وتبقي كده فله ومزه وطبعا لازم تتأكدي انك شيلتي كل الشعر من ادام و ورا وكل حاجه
لو مش بتعرفي توصلي للشعر اللي في رجلك من ورا هقولك تعملي ايه : اقعدي علي السرير وريحي علي ورا وافردي رجلك لأدام كأنك بتعملي رياضه وتبقي مثلا ادامك مرايه او اختك تقولك كده تمام ولا ايه واشتغلي بقي
اللي متعوده علي كريم مرطب ولا حاجه ممكن تحطي منه برده بس انا رأيي ان مياه الورد كافيه اوي وتحفه جدا وجربي تلمسي رجلك هتلاقيها ناااااااااااااااعمه وكمان هتفتح جدا بإذن الله
لو انتي بتزيلي بالماكنه : برده حطي مياه ورد لما تخلصي وهتحسي بالفرق
انا كده خلصت واستنوني في الاجزاء القادمه ان شاء الله وماتنسوش التقييم بقي
الرئيسية
