وحشتونى يا حبايب قلب يوكـــا مش قادره انسا زوقكم معايا ودعائكم الجميل ليا عشان كده طمعانه فى دعوتكم ان ربنا يصلح حالى وييسر امورى
كتير مننا مش بتعرف تهتم بنفسها يا ما معندهاش وقت او معندهاش فكره تهتم ازاى طب تعمل ايه وتتصرف ازاى عشان كده انا حبيبت اعمل الموضوع ده كاساسيات لكل واحده تحب تهتم بنفسها و خليكوا فاكرين ان اهمالنا لحاجات بسيطه بتكون لنا مشاكل كبيره ونرجع نشتكى منها
وطبعا هنتكلم عن الوجه والايد والرجل وكمان المنطقه الحساسه وانا متوصيه شويتين تلاته بيها لانى عارفه هيه مشكله المشاكل
ندخل فى المـــــــــــهم بقا
الـــــــــوجه اولا تنضيف البشره
اعمليه فى بيتك بدل ما تروحى مراكز التجميل وتكلفى نفسك ويحطولك جهاز بخار وكام ماسك صناعى وخلاص على كده لكن فى بيتك اضمن واحسن
معظم الشعب المصري بشرتهم دهنية يعني مسام بشرته واسعة.. فاى ماده بتتحط على الوش او البشره بتحشي بها المسام وتسيبيها في التراب والشمس تتفاعل على وجهك وتيجي آخر النهار تغسلي وشك بمياه وصابون وشكرا ولما جيتي تشليها شلتي اللي على السطح فقط وسبتي الباقي يدخل جوه
وطريقته حمام البخار
هتغلى مايه فيها بقدونس او نعناع وتقربيه لوشك وبعد كده تمسحى وشك بتلجه لان المسام دلوقتى مفتوح
تانى خطوه هيه ازاله الميكب واثاره
ممكن تستخدمى منتجات كلين اند كلير او جونسون (او ممكن تشيلى الميك أب بقطنه مبلوله بلبن بارد أو زيت أطفال لو ما عندكيش مزيل)
تالت خطوه الصابون الطبى
لان الصابون العادى للاستحمام بس انا عن نفسى بستعمل صابونه داى لايت ب 10 ج وروعه برغيها زى ماسك لمده دقيقتين بتبيض وبتنور وشى جربوها وادعولى انجح صابونه بجد
رابع خطوه
بعد كده بتجيبى قطنة وتبليها بالحليب وتبتدى تمسحى وشك بيها بحركات دائرية بس بلاش على العين او تجيبى زبادى وتسبيه على وشك شويه
معلومات اكتر عن ماسك الزبادى وده عبارة عن زبادى فقط بتفرديها على وشك وتدلكيها 3 دقايق وتسبيها نصف ساعة وبعدها تغسلى وشك بماء فاتر وتمررى ثلجة وبعدها كريم ترطيب خفيف
وده بتساعد على الترطيب والتنعيم وبتغذى البشرة كمان واثناء الماسك ده ممكن تستغلى الوقت وتحطى شرايح خيار على عيونك
والتنظيف يا قمرات بيكون مرتين فى اليوم صباحا اول ما تصحى ومساءا قبل ما تنامى
وممكن نستخدام التونر المناسب لبشرتنا
البشرة الجافة التونر هيكون ماء الورد والبشرة الدهنية هيكون مغلى البقدونس او النعناع وعموما ماء الورد مفيد لكل انواع البشرة
خامس خطوه
بعد الصابون والتونر هنحط كريم الترطيب المناسب مثلا ( ايفا او دوف )
ودلوقتى هندخل على ازاى نهتم بجسمنا ونخليه على طول حرير اولا المنطقه الحساسه
طبعا كلنا عارفين ان ازالة الشعر دى اكبر مشكلة عندنا كلنا ناس كتير بتختلف فى الطريقة الى بتزيل بيها الشعر ومننا بيستخدم الشفرات او الموس او شمع العسل او السويت ولكن خدوها من اختكم نصيحة لازم السويت ثم السويت ثم السويت
انا بشوف ان حلق المنطقة بالموس والله بيسبب اسمرار جدا لهذا المكان لانه بيشيل الشعر لفترة قصيرة جدا ومش من جدوره كمان وبيترك الطبقة الميتة على الجلد زى ما هيه ( وده رأيى وكل واحده تعمل اللى يريحها
لانها مش بتشيل الشعر بس لا دى بتعمل حاجات كتير اوى زى تنشيط الدورة الدموية فى الجسم كله حتى تلاحظى جسمك احمر طبيعى وبيبقى شكله مورد وجميل غير كده السويت بتشيل طبقة الاوساخ من على الجسم وطبقة الجلد الميت يعنى الصنفرة والتقشير
ودلوقتى هقول خطوات ازالة الشعر بالسويت
اول حاجة لازم قبل ما تبتدى السويت تاخدى شاور بماء فاتر هتقولولى ليه؟ هقولكم عشان السويت لازم يتعمل على جسم نظيف والماء الفاتر بيفتح مسام الجلد وبكده بنساعد على ازالة الشعر بألم اقل
طيب سؤال كمان امتى بالظبط اعمل السويت وكل قد ايه يعنى؟ هقولك السويت بتعمل بعد البريود ب 10 ايام لان ده الوقت المناسب الى بتكون مسامات جسمك مفتوحة والألم بيكون بسيط اوى اوى والسويت بتعمل كل بريود مش قبل كده عشان الشعر يطلع معاكى بسهولة
هقولك دايما تبتدى بالمنطقة الحساسة لانها اصعب حاجة وبنحس انها كابوس فنخلص منها فى الاول احسن وقبل ما تبتدى السويت فى المنطقة الحساسة تحطى كريم او جل مخدر موضعى والصيدليات مليانة
ازاى نستخدم المخدر ؟
كل انواع المخدر دى تكون على الاقل قبل السويت بساعة تحطيها وتنسيها شوية عشان المكان يلحق يمتصها وتعمل مفعول وتعرفى تشتغلى بالسويت على المكان هنبتدى طبعا السويت هتاخدى حتة صغيرة فى ايديكى وتشتغلى بيها عشان متألمكيش وتكون سهلة ومتسحش منك ونبدا بالمكان الى فوق بالنسبة بقا للشفرات الى تحب تعملها بالمكنة بشفرة المكان الحساس تعملها لان فى ناس عندها اعتقاد ان المكان ده بيحصله ترهل بس صدقونى مفيش انضف من السويت فى المكان ده على الاقل الشعر مش هيطلعلك من تانى يوم وهتلاقيه ناعم وزى القشطة
نرجع تانى لكلامنا قولنا هنخلص حتة حتة انا سمعت انك بتكونى قاعدة على مخدة عالية وقدامك مراية عشان تشوفى اوضح
طيب ازاى هنهتم بالمنطقة الحساسة بعد السويت؟ اول ما تخلصى هتروحى جرى تشطفى المكان بماء فاتر وتنشفيه بالراحة وتدهنى مرهم فيوسيدين وده هتواظبى عليه 3 ايام بعد السويت واتحداكى لو لقيتى اى التهاب او حبوب
والوصفة الاحلى للتفتيح كريم الجليسوليد مع عصير الليمون بتخلطيهم مع بعض وتدهنى جسمك و المنطقة الحساسة يوميا يعنى كده نضافه وبياض بعد كل مرة بتدخلى فيها التواليت متنسيش التنشيف مهم جدا لان ترك المياه على هذا المكان حتى ولو كانت بسيطة سبب كبير من اسباب الاسمرار ويا ريت استخدام الغسول المناسب دايما عشان ميكونش فيه اى روائح كريهة وبعد كل بريود يا ريت نعطر المكان ده بالمسك
وبكده احنا غطينا كل المعلومات عن المنطقة الحساسة وازالة الشعر منها والاهتمام بنظافتها
مبدئيا هطلب منكو كل واحدة تشترى جوانتى لحماية اليدين ب 5 جنيه من الصيدليات الكبيره ده عشان تستخدمه فى المطبخ والتنضيف
ويوميا هتدعكى كوعك وايدك بالجلسرين ومضاف عليه عصير ليمون
ثالثا القدم والرجل
تدهنى رجليكى كلها فازلين وكعوبك وصوابعك وكل قدمك وتضعيها فى اناء به ماء ساخن قليلا والماء ده هتكونى حاطة فيه عصير ليمونة وملح خشن وشوية شاور طبعا تسيبى رجليكى حوالى من ربع الى ثلث ساعة وبعد كده تطلعى قدم وتركى الاخرى فى الماية تنشفيها كويس وتجيبى مبرد القدمين وتشتغلى بيه على رجلك كلها من تحت وعلى كعوبك لازالة الجلد الميت او بالحجر الخفاف
-بعد ما تخلصى يا قمر هترطبى القدم بكريم ترطيب للقدمين اسمه carbamide هتجبيه من اى صيدلية وبعدها تلبسى شراب قطن وتطلعى على السرير جرى طبعا المتزوجات مش هينفع يناموا بشراب جمب ازواجهم مينفعش خالص احسن يطفشوا مننا مش نصلح حاجة وتيجى على دماغنا فى الاخر ههههههه وبس بقا عشان انا لسه بنت ومش بتكلم فى السياسه
شويه نصايح على الماشى
1- شرب كل يوم 8 كوبايات مايه على الاقل بتنضف البشره من السموم اللى فى جسمنا
********************* 3-ابعدى عن الحوادق والمخلل والجبنه القديمه والحادقه والشطه والاكل اللى بره البيت دول من اخطر الحاجات على البشره دول اللى بيولعوها حريقه وحبوب وبقع واحمرار
الرئيسية
