اي بشره دهنيه محتاجه عنايه من نوع خاص جدا لانها اكتر بشره تساعد طبيعتها علي تراكم الاتربه والشوائب مكونه حبوب اما حبوب نتيجه تخزيتن الحراره او نتيجه تصريف للصديد عن طريقها
اي بشره دهنيه لازم تكون حذره جدا مع الحبوب لان اللعب فيها هو سبب الحفر والعلامات وللاسف اغلبها بيكون صعب علاجه الا عند دكتور شاطر وف النهايه انتي اللي دمرتي بشرتك مش الحبوب
الحبوب زي الشتا ممكن يعدي بسلام وممكن يخلي المكان وحل المهم انا بتصرف تجاهه ازاي

دهنيه - عاديه : دي بتكون دهنيه جدا ف الصيف ومعتدله ف الشتاء اللي محافظين عليها يعانون فقط من ظهور بعض الحبوب قبل البريود ع الجبين او اقصي جانب الوجه
دي هنديها كورس عنايه ومحافظه

دهنيه مركبه : دي بتكون دهنيه بصوره غير طبيعيه بحيث ان من الممكن ان المخده تكون مصفره وهيه صاحيه من النوم حتي ف الشتاء
دي بتعاني من اللمعه الشديده والحبوب الكتيره خاصه ف الصيف
دي بنعاملها علي انها حاله مرضيه وكورس معالجه

دهنيه - جافه : دي بتكون ناشفه جدا ف الخدود ومنطقه التي زون دهنيه جدااااااااااااا
دي بتعاني من عدم الارتياح ف استخدام اي منتج للبشره
دي بنعاملها علي انها حاله مرضيه تستحق كورس عجيب علاجي ووقائي

اي كريم مرطب ماعدا نيفيا سوفت لانه اتعمل ليكم انتوا اصلا
كريم بانثينول وشركاءه زي الجلسرين او الفازلين
ممنوع وضع بودره الاساس لانها تسد المسام وتسبب حبوب
ممنوع وضع اي صن بلوك او كريم نهاري كريمي الشكل لازم يكون سائل او لوشن
ممنوع اكل الشبسي او الشطه او الدهون او الشيكولاته بكميات كبيره او كله مع بعضه ويستحسن انكوا تخليها نوادر
ممنوع اي ماركه رديئه للميكب لان وشكم نعمه لا تقدر بمال

معنديش مشكله ف الشتا لاني بشرتي مش جافه
مطمنه ان الحمد لله وشي هيفضل من غير تجاعيد لسن مابعد الخمسين لان عندي حاجه بنسميها فاتي اسيد بكتره ومخزون هفضل استعمله لحد فوق 50 سنه
عارفه منتجاتي مش محتاسه زي بتوع البشره الحساسه والجافه كل حاجه تبهدلهم ياي
لو مشكلتي الحبوب وايه يعني ما الكل لو ماحفظش علي بشرته هيطلعله حبوب .......... الحبوب مش ماركه مسجله للبشره الدهنيه دي ماركه مسجله للاهمال والتفريط في حق نفسي

*لا علاقه للدهون بان وشك يكون مورد وطري ممكن يكون جاف لو انت مش بتشربي ماء وموازنه بشرتك
* ان ماء الورد لو اتحط من غير تنضيف عميق للبشره هيكون هو سبب ظهور الحبوب
* ان زيت الزيتون هو الزيت الوحيد اللي رغم تقله لا ولن يسبب حساسيه لبشرتك ولا يضرها لانه باختصار سنه
* ان اي حبايه حتي لو معبيه بس مش لدرجه دمل مدتها من 5-8 ايام
* عند ظهور حبوب كتييييييييييير مش واحده برؤس بيضه لازم تعرفي ان فيه ميكروب جوه جسمك ولازم مضاد حيوي كبسولات
* الشمس تسيح الدهون فهي عدو غير مضر ويمكن التعامل معه بحذر ومرونه
* الليمون منقي لبشرتك ولكنه صديق مضر عند الاستخدام الخاطئ
* اعرفي ان المياه الساقعه علي وشك شئ زيه زي النفس ليكي كل شويه نفسي بشرتك **
* اكلك هو سلاحك يا حميكي يا يقف قصادك ظبطي اكلك بالمفيد ليكي
* ان اي ادوات وضع للميكب لازم تتغسل بعد الاستخدام بصابون ديتول واقصد طبعا اسفنجه وضع البودر

1- حبوب ما قبل البريود او اماكن بنسميها تصريف الشوائب من الجسم
ودي بتكون من منطقه الجبين واقصي الوجه كله يعني كل منطقه الاطراف ف الوجه
علاجها :
لا مشكله منها نهائي كحبوب ولا تتكاثر طالما لم يتم اللعب فيها او فتحها ومدتها من 5-8 ايام وتذهب بلا اثار مجرد ضعي اي كريم مضاد حيوي لمده تلات ايام بس

2- حبوب بنسميها بالبلدي التنفيس وبالعلمي بتكون نتيجه ضغط نفسي او عصبي او مناعه ضعيفه او ارهاق زائد
ودي بتكون من منطقه جانب الانف او الذقن او اعلي الشفتان
علاجها :
لو لمستيها فلا تبكي اذا التهبت بشده وتكاثرت في وجهك كله وعبت صديد وعملت حكايه كل اللي عليكي تاخدي حبوب مضاده للحساسيه زي ( سيرتيك او كلاريتين ) وتحطي اي كريم مضضاد للحساسيه كل اربع ساعات لمده تلات ايام وبس خلاص هتروح بسلام من غير اي اثار خدي بالك هرشتي فيها مره مش هتبطلي الا بالدم لازم غصب عنك مش هتقدري توقفي نفسك فابعدي عنها تماما

3- حبوب تقلبات الهرومنات المسماه بحب الشباب
ودي بتكون معظمها ف الخدود او جانبي الذقن وتساعد الدهون جدا علي تكاثرها
علاجها :
لازم تركزي عشان هو نوع واحد بس اللي ينفع معاه الماسكات خلاف كده لازم دكتور يشوفك

انها تكون ضاهره ومفرده غير متجمعه وعلي مناطق نسبيا متفرقه وبارزه يعني فوق الجلد ومن غير راس ولونها عادي مختلف بس كده بسيط عن لون الجلد سواء بتوجع او لاء

اما اذا كانت تحت الجلد او بارزه لونها احمر دموي او تجمعات متكتله جنب بعضيها او ليها راس سودا لااااااااااااااااااااااااااااااااااااااااااااااااا اااااااااااااازم تعرفي ان اي وصف ليكي من ع النت مش هيضرك ده يدخلك في متاهات ولازم تروحي لدكتور شاطر ومش بيستعمل الكورتيزون استسهال ويقلب

انهي بشره دهنيه اللي معانا ولازم تقروه يا جماعه واللي معانا هنا تاني

بشره دهنيه بكثافه
بشره ذات مسام واسعه
بشره بها حبوب وسبق شرحها قبل كده
الكورس هيكون لمده اسبوعين وهنزل ايه المفيد من الماسكات وانا عارفه انتو عايزينها بالتفصيل ومش نافع معاكم حكايه اعرفوا انتوا وحددوا اللي عايزينه رغم كل محاولاتي لتغير الفكر ده بس حاضر

1- انتو هبدا معاكم بالعكس هنبدا بصنفره حلوه عميقه تزيل طبقه الدهون الاولي دي مكون من
م ترمس مطحون + م حلبه مطحونه + م لبن حليب + م عسل ابيض
الطريقه :
يصنع كعجينه ليست سائله ولا جامده ويوضع ع الوجه وويترك لمده ساعه ويفرك بحركه دائريه مع اجتناب الفرك في منطقه الحبوب
انت طبيعي بتحسي ان وشك ساقع اثناء الماسك وهتموتي وتهرشي فيه لانه بينضف بعمق بس بعد الماسك هتلاقي حراره ايه صهد طالع دي بقي كل الحراره المتخزنه تحت طبقه الجلد وممكن تطلع حبوب اسمها حبوب تفريغ حراري دي مؤدبه اوي وبنت ناس اطمنوا كل اللي هتعملوه انكوا تحطوا كمادات ميه ساقعه اوي عليها وكريم بيتاديرم مرتين ف اليوم لمده يوم واحد وبس خلاص

طب بكده كورسنا هيبدا من بلليل بردو عكس الناس كلها

2- طب صحينا اهو طيب هتغسلي وشك باي صابونه خفيفه زي ( سموث فيس / كلير فيس / مون لايت / داي لايت )
نشفيه كويس جدا بالطبطبه عليه بالفوطه القطن
حطي بقي يا سن بلوك يا كريم النهار بتاعك علي حسب وقتك اللي خارجه فيه ايه ولازم يكون سائل لوشن مش كريم خااااااااااااالص