المنطقة الحساسة ساعات بأقول عليها المنطقة المحتاسة من كتر ما هي شغل بال البنات و المتزوجات و حتي الرجالة
موضوعي ان شاء الله هيشمل منتجاتي اللي جربتها و تقييمي لها بجانب بعض المعلومات اللي عرفتها من الدكاتر أو الفتوكات الحلوين اللي ديما بيفيدوا الواحد في كل شئ (الموضوع ده حصرررررري فقط علي منتداي حبيبي فتكات) الموضوع طويل شوية بس بجد مفيد و اتمني لكم قراءة ممتعة يالا نبتدي
ملحووووووووووووظة انا في الامارات فبعض المنتجات ممكن تكون غير موجودة في مصر
و ديه اول مشاركة ليا في قسمكم الجميل ديه صورة للمنتجات اللي بأستخدمها
اولا السكرب scrub
قبل ازالة الشعر بأعمل اسكرب للمنطقة باستخدام whitening spa salt و ده مخصص للمنطقة الحساسة و منطقة arm pit و طبعا milk salt حبيب كل البنات هنا و فيه منه انواع كتير و روايح كتير ازاي تستخدميه رطبي المنطقة الحساسة بشوية ميه و بعدين حطي شوية من spa salt علي ايديك و بحركة دائرية دلكي المنطقة – العانة فيما تحت – و كله من بره اوعي يوصل لجوه و سيبه لمدة 3 دقايق و بعدين اشطفي المنطقة طيب فايدته ايه؟؟؟؟؟؟؟ ياااااه حاجات كتير اولا النوع ده من milk salt مخصص لتبيض المنطقة الحساسة يعني اول حاجة بيبض تاني حاجة انه اسكرب يعني بيشيل خلايا الجلد الميتة و بيجدد خلايا الجلد بيقلل من ظهور التجاعيد و بينعم البشرة انا باستخدمه قبل ازالة الشعر لانه بيفتح المسام و بالتالي بيساعد في الازالة بشكل اسرع تقييمي للمنتج طبعا ممتاز
تاني حاجة و المرحلة ديها تقريبا الكل بيكرهها و هي ازالة الشعر الحلاوة
انا باستخدم الحلاوة الجهزة و منها انواع مثلا اللي بالصبار او زيت اللوز وفيه بردو من غير اضافات يعني عسل النحل و بس عن نفسي باكره الحلاوة بس اعمل ايه – حكم القوي علي الضعيف - مميزاتها انها طبعا هي بتخلي المنطقة ناعمة جدا و بتشيل الجلد الميت و بتتجدد الخلايا بس مشكلتها الازلية انها بتوجع جدا و بترهل المنطقة
شرائح الشمع
ازاي تستخدميها اول حاجة هتدلكي شريحة الشمع في ايديك – عشان تبقي لينة و دفية – تفصلي نصفي الشريحة عن بعض و تفرديها في نفس اتجاه نمو الشعر و شدي في اتجاه عكس نمو الشعر – لازم تكوني شدة الجلد كويس و انتي بتشدي الشريحة – و ممكن تستخدمي نفس الشريحة اكتر من مرة و لو فيه بقايا شمع علي الجلد بتمسحي بالمناديل الموجودة مع الشرايح اي زيادة طيب فايدتها ايه بردو نفس مميزات الحلاوة بس الزيادة ان الشمع بيشيل الشعيرات الصغيرة و الدقيقة تقييمي للمنتج انا مش باحب الشمع خااااااااااااااالص متعب جدا اكتر كمان من الحلاوة و باحس كده اني محتاسة و مش عارفة اتعامل معاه ( كنت قريت مرة انكي ممكن تقصي الشريحة فطع صغيرة و تعملي بيها منطقة الشنب – سوري علي اللفظ – او وشك بصفة عامة و نصيحة مني بلالالالالالالالالالالالالالالالالالالالالاش لاني عملت كده و بهدلت وشي جدا و التهب و طلعت حبوب فيه كتير )
كريم فيت
طبعا ابعدي علي قد ما تقدري عن كريمات ازالة الشعر انا مش شايفة فيه اي ميزة و عيوبه حدث و لا حرج انه بيسود جدا – الشعر بيطلع بسرعة و بكثافة اكتر من الأول – الشعرة بتكون أخشن من الأول - ....... و الحالة الوحيدة اللي استخدمته فيها كانت اثناء الحمل لاني عايزة وسيلة سريعة و سهلة ( المنطقة ديه اثناء الحمل صعب الوصول اليها مهما حاولتي و كنت بستعين بصديق )
انا باستخدم care free and vigisil الاتنين كويسين Carefree كل البنات بتشكر فيه هو بالنسبة ليا كويس بس
اما vigisil ( دكتورة النسا هي اللي قالتلي عليه ) رااااااااااائع و ممكن كمان تستخدميه لاي منطقة ليها رائحة كريهة (مثلا arm pitاو منطقة تحت الصدر) جميل جدا لو استخدميته بعد الجماع لانه بيمنع اي رائحة كريهة (نصيحةةةةةةةةةةةةةة مهمة جدا لو عايزة تحملي بلاش تستخدمي اي غسول بعد الجماع مباشرة لانها بيقتل الحيوانات المنوية ) مهم تعرفي انه لما تجي تختاري الغسول انه مش بيحتوي علي اي مادة صابونية ( مالوش رغوة ) ماتستخدميش الغسول يوميا ( كان الموضوع بيحيرني ليه مش كل يوم ) ببساطة لانه بيعمل جفاف للافرازات المهبلية و بالتالي التهاب لهذه المنطقة - انه بيقتل الحيوانات المنوية و المعدل الكويس للأستخدام مرتين في الأسبوع
رابع حاجة التعطير الجزء ده مقتصر علي المتزوجات مافيش داعي انكي و انتي بنت تعطري المنطقة ديه كفاية انكي تهتمي بيها
ديه colonia للأطفال كنت جيباها لاودي و بعدين قولت لما استخدمها لتعطير المنطقة الحساسة بأجيب قطعة قطن بأحط شوية منها و بعدين تمسحي من الخارج و ده قبل الجماع لان ريحتها مش بتدوم كتير و طبعا هي safe لانها خالية تماما من الكحول
تاني حاجة المسك بردو بقطعة قطن باحط نقطتين و تمسحي علي المنطقة من الخارج
قريت انكي ممكن تعملي خلطة من ماء الورد و مكعبات المسك جربت و كانت تجربة فاشلة ( بشرت قطع المسك و حطيت عليه ماء ورد القطع طبعا ما اختلطتش بالماء و و في الاخر رميت الخلطة الفتاكة ) انا عارفة انه فيه حاجات كتير للتعطير انا باستخدم الطريقتين دول
خامس حاجة الترطيب
انا باستخدم زيت جونسون – لوشن جونسون – كريم جليسوليد – ممكن كمان زيت الزيتون زيت جونسون و لوشن جونسون كويسين بالنسبة لجليسوليد باستخدمه مع نقطتين ليمون حقيقي بيعمل احلي ترطيب و ينعم المنطقة جدا
سادس حاجة التجفيف لازم المنطقة ديها طول الوقت تكون جافة و باستخدم فوطة قطن بعد كل حمام تمسحي المنطقة كويس
و طبعا لازم البانتي يتغير كل يوم انا باستخدم فوط carefreeاليومية جميلة جداااااااااااااا
المناديل الحميمية – باستخدمها و انا بره و اضطرت ادخل الحمام – و في العادي بتمسحي بيها اي افرازات زائدة
سابع حاجة التبيض اااااااااااااااااه و اااااااااااااااااه من التبيض الشغل الشاغل لكل البنات و خصوصا المتزوجات لازم تعرفي انهو مافيش واحدة بيضة تماما في هذه المنطقة انا باستخدم eskinol بالليمون جميل جدا
كريم foldex كتير بيشكر فيه بس مش عارفة استمر عليه ( الكريم ده جبيته من مصر)
بس بجد اللي تحفة و عن تجربة الليموووووون العادي بتاعنا بعد كل شاور باجيب قطعة قطن و ابلها عصير ليمون كتير جدا – يعني تتغرق من عصير الليمون- و تمسحي بيها المنطقة ياااااااااااااااه فرقت كتير بس عايزة الاستمراار
و بردو سودو كريم بس هو مش بيبض قوي بس مفيد جدا للتنعيم ( علي فكرة اي كريم بيحتوي علي اكسيد الزنك بيكون مفيد جدااااااا للبشرة )
بالنسبة لو فيه بكتريا أو فطريات باستخدم تحاميل البيتادين – لازم تحت اشراف الدكتور -
آخرررررررر حاجة اوعي تستخدمي بودرة جونسون عند المناطق الحساسة
انا خلصت يارب اكون افيدتكم و لو بالقليل
تنبيه اداري هذا الموضوع يحتوي على منتجات طبية يرجى استشارة طبيب او صيدلي قبل استخدامها حرصا على سلامتكم
ملف مفيد و قيم لمنتجاتي للعناية بالمنطقة الحساسة..... بالصورررررررر
الرئيسية
- 
